Ներքին գործերի նախարարությունը վարչական իրավախախտման արձանագրություն է կազմել ակցիայի 9 մասնակիցների նկատմամբ՝ Քութայիսիում դատավորի տան մոտ 30 րոպե տևած բողոքի ցույցի պատճառով, որն անցկացվել է հաջակցություն Մզիա Ամաղլոբելիի։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
- Գելա Մթիվլիշվիլի - լրագրող, Վրաստանի լուրերի / Մթիս Ամբեբիի խմբագիր,
- Նինո Քաթամաձե - երաժիշտ, «Նինո Քաթամաձեի հիմնադրամի» հիմնադիր,
- Վլադիմիր Աբխազավա - ուսուցիչ, ուսուցչի ազգային մրցանակի առաջին դափնեկիր,
- Խվիչա Վաշաղմաձե - լրագրող,
- Քեթևան Փիլաուրի - հոգեբան,
- Մաիա Ցիրամուա - հոգեբան,
- Իրինա Զարանդիա - քաղաքացիական ակտիվիստ,
- Գիվի Ցինցաձե - Լանչխութիի քաղաքային խորհրդի անդամ,
- Էկա Կուխալաշվիլի - «Քութայիսի պոստի» լրագրող։
Վարչական իրավախախտումների վերաբերյալ օրենսգրքի 174-րդ հոդվածի 3-րդ մասը նախատեսում է ազատազրկում՝ մինչև 15 օր ժամկետով։ Օրենսգրքում կատարված փոփոխություններով նույն արարքը առաջացնում է տուգանք՝ 5000 լարիի չափով, կամ ազատազրկում՝ առավելագույնը 60 օր ժամկետով։
Դատական նիստը տեղի կունենա երկուշաբթի՝ փետրվարի 10-ին, ժամը 12:00-ին, Քութայիսիի քաղաքային դատարանում։ Գործը կքննարկի դատավոր Ցիցինո Մոսիձեն։
Քութայիսիի վերաքննիչ դատարանի քննչական կոլեգիայի նախագահ Մալխազ Օքրոպիրաշվիլիի տան մոտ հունվարի 26-ին բողոքի ակցիա է տեղի ունեցել, թեև Քութայիսի ոստիկանությունը որոշել է դրա մասին արձագանքել միայն փետրվարի 6-ին։ Հենց այս ամսաթվով է թվագրվում Քութայիսի քաղաքի ոստիկանության 1-ին վարչության պետի տեղակալ Դավիթ Դվալիշվիլիի նամակը, որում նա վարչության պետ Մանուչար Նիկոլաձեին գրում է.
«Հիշեցնեմ, որ հունվարի 26-ին ես իմ գործընկերոջ՝ ոստիկանության մայոր Գիորգի Նաչկեբիայի հետ միասին կատարում էի իմ ծառայողական պարտականությունները, երբ մոտավորապես ժամը 19:50-ին Քութայիսիի Վերաքննիչ դատարանի նախագահ Մալխազ Օքրոպիրաշվիլիի տան դիմաց տեսա մի խումբ քաղաքացիների։ Հավաքված քաղաքացիները բողոքում էին Մզիա Ամաղլոբելիի բողոքարկման դիմումի քննարկման արդյունքի դեմ։ ... վերը նշվածը հայտնում եմ ձեր հետագա արձագանքի համար»:
Փետրվարի 5-ին «Վրացական երազանքը» հայտարարել է ԶԼՄ-ները սահմանափակող նոր օրենսդրության ընդունման մասին։
Մալխազ Օքրոպիրաշվիլին հենց այն դատավորն է, ով չքննարկեց Batumelebi-ի և Netgazeti-ի հիմնադիր և ղեկավար Մզիա Ամաղլոբելիի բողոքը նրա անօրինական կալանավորման վերաբերյալ՝ այդպիսով Մզիային թողնելով քաղաքական կալանքի տակ։ Մզիա Ամաղլոբելին արդեն 28-րդ օրն է՝ հացադուլ է անում։ Նա առողջական վիճակի վատթարացման պատճառով բանտից տեղափոխվել է բժշկական կենտրոն։ Դատախազությունը ոստիկանապետին ապտակելու համար Ամաղլոբելիին մեղադրում է ոստիկանի վրա հարձակվելու մեջ։ Անօրինական մեղադրանքով Մզիա Ամաղլոբելիին սպառնում է 4-ից 7 տարվա ազատազրկում։
Հանրահավաքի մասնակիցների շահերը դատարանում պաշտպանելու են Սոցիալական արդարության կենտրոնի իրավաբանները։
