Parlament sədri Şalva Papuaşvili Aİ-nin Ali Nümayəndəsi Cozef Borelinin rus qanununun Avropa dəyərlərinə uyğun gəlmədiyi və “Gürcü Arzusu”nun onu yenidən irəli sürməklə öz öhdəliklərini yerinə yetirmədiyi barədə digər bəyanatına münasibət bildirib.
Papuaşvili jurnalistlərə deyib ki, rus qanunu “gürcü xalqının maraqlarına əsaslanan qanundur” və bu, “xüsusilə də maliyyəsi Gürcüstana qeyri-şəffaf daxil olanların maraqlarına uyğun gəlməyə bilər”.
“Təəssüf ki, Aİ-nin maliyyələşdirməsi Gürcüstanda da qeyri-şəffafdır. Biz nümunələr bilirik – məsələn, maliyyəsini Gürcüstanda gizlədən Avropa Demokratiya Fondu, hansı ki, bu, Avropa dəyərlərinə tamamilə ziddir”, - Şalva Papuaşvili bildirib.
Parlament sədrinin sözlərinə görə, “sağ düşüncəni sıxışdırmaq” cəhdi və rus qanununun müzakirəsi var ki, bu da onun fikrincə, antiavropayönlü davranışıdır.
“Əminəm ki, cənab Borrell bu qanun layihəsini belə oxumayıb, mən tam əminəm”, - Papuaşvili bildirib.
Dünən Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Cozef Borrel bir daha Gürcüstan hakimiyyətini rus qanununa görə tənqid edib və bunun Avropa Birliyinin dəyərlərinə uyğun olmadığını bir daha bəyan edib.
Aprelin 17-də rus qanununun birinci oxunuşundan sonra Cozef Borrel və Qonşuluq Siyasəti və Genişlənmə üzrə Avropa Komissarı Oliver Varhei birgə bəyanatla çıxış ediblər, bu bəyanatda deyilir ki, b qanunun yekun qəbulu Gürcüstanın Aİ yolunda irəliləməsinə mənfi təsir göstərəcək. Borelli və Varhey hesab edirlər ki, rus qanunu vətəndaş cəmiyyəti və media təşkilatlarının azadlığını məhdudlaşdıracaq, ifadə azadlığını məhdudlaşdıra və Gürcüstan vətəndaşlarının xeyrinə iş görəm təşkilatları ədalətsiz şəkildə ləkələyə bilər.
“Gürcü Arzusu”nun rus qanununa 2012-ci ildə “xarici agentlər” qanununun qəbul edildiyi Rusiyada da münasibət bildirilib. Dövlət Dumasının sədri Vyaçeslav Volodin bildirib ki, “hər hansı ölkə suveren dövlət olmaq istəyirsə, bu qanunu qəbul etməyə borcludur”. Rusiyanın xarici işlər naziri Sergey Lavrovun qiymətləndirməsinə görə, “Gürcü Arzusu”nun rus qanunu “çox yumşaqdır”.