„საქართველოს ამბები“ დამოუკიდებელი, საზოგადოებრივ-პოლიტიკური ონლაინგამოცემაა, რომელიც მკითხველს სთავაზობს ფაქტებზე დაფუძნებულ, მიუკერძოებელ ახალ ამბებს, ანალიტიკური და საგამოძიებო შინაარსის მედიაპროდუქტს.
„საქართველოს ამბების“ მისიაა სანდო და ხარისხიანი ინფორმაციის უზრუნველყოფით, ხელი შეუწყოს დემოკრატიული ფასეულობების განმტკიცებას; საზოგადოების მიერ ინფორმირებული არჩევანის გაკეთებას; ადამიანის ფუნდამენტური უფლებებისა და თავისუფლებების დაცვას; ღია და პლურალისტური საზოგადოების ჩამოყალიბებას.
„საქართველოს ამბებისთვის“ პრიორიტეტულია რეგიონების, მათ შორის, ოკუპირებული და ეთნიკური უმცირესობებით დასახლებული მხარეების გაშუქება. Sakartvelosambebi.ge ინფორმაციას ავრცელებს ოთხ ენაზე - ქართულად, სომხურად, აზერბაიჯანულად და ინგლისურად.
„საქართველოს ამბები“ საინფორმაციო რესურსების ქსელის (IRN) შემადგენლობაშია. ქსელის პროდუქტებია:
- Mtisambebi.ge - მაღალმთიან რეგიონებზე ფოკუსირებული ერთადერთი მედიარესურსი საქართველოში. „მთის ამბები“ ქმნის კონსტრუქციული ჟურნალისტიკის პირველ პრეცედენტს ქვეყანაში, ბოლომდე მიჰყვება თემებს და ცდილობს, თავისი ჟურნალისტური საქმიანობითა და აქტიური სამოქალაქო მობილიზებით, მოქალაქეებთან ერთად დაწყებული ადვოკატირების კამპანიებით, ცვლილებები გამოიწვიოს;
- Mountainstories.ge – „მთის ამბების“ ინგლისურენოვანი ვერსია;
- Kakhetiinfo.ge - კახეთის საინფორმაციო ცენტრი ონლაინ, ყოველდღიური ახალი ამბებისა და მულტიმედია რეპორტაჟების საშუალებით კახეთის რეგიონის ამბებს აშუქებს;
- Radioway.ge - საინფორმაციო რესურსების ქსელის ქოლგის ქვეშ მუშაობს პანკისის სათემო რადიო, რომელიც მაუწყებლობს ახმეტის მუნიციპალიტეტში, სიხშირეზე FM 101.1 ქართულ და ქისტურ (ჩეჩნურ) ენებზე.
საინფორმაციო რესურსების ქსელს 2013–2022 წლებში მიღებული აქვს არაერთი ადგილობრივი და საერთაშორისო ჯილდო, მათ შორის, ევროკავშირის, ევროპული ჟურნალისტიკის ცენტრის, ჯოშუა ფრიდმანის და GIPA-ს, გაეროს ბავშვთა ფონდის (UNICEF), სახალხო დამცველის, მედიის განვითარების ფონდის, რელიგიურ უმცირესობათა საბჭოს, ჟურნალისტური ეთიკის ქარტიის პრიზები.
საინფორმაციო რესურსების ქსელის რედაქტორები და ჟურნალისტები იზიარებენ და იცავენ საქართველოს ჟურნალისტური ეთიკის ქარტიის პრინციპებს.
ვებსაიტზე დისკუსიის წესები
„საქართველოს ამბების“ ვებსაიტზე, სტატიების ქვემოთ, მომხმარებლების მიერ დაწერილი კომენტარები გამოსაქვეყნებლად დამტკიცებას არ საჭიროებს. კომენტარები არ უნდა შეიცავდეს უხამსობას, შეურაცხყოფას, მუქარას, დამცირებას, სიძულვილის ენას. ამ წესების დარღვევით დაწერილი კომენტარების შესახებ, გთხოვთ, დაგვიკავშირდით ელ.ფოსტაზე: sakartvelosambebi.ge@gmail.com „საქართველოს ამბები“ უფლებას იტოვებს, შეტყობინების განხილვის შემდეგ წაშალოს კომენტარი, დროებით ან სამუდამოდ შეუზღუდოს კონკრეტულ მომხმარებელს „საქართველოს ამბების“ სოციალური ქსელების პლატფორმებზე კომენტარის გაკეთების უფლება.