ՌԴ պաշտպանության նախարար Սերգեյ Շոյգուի խոսքով՝ Ուկրաինայում «հատուկ ռազմական գործողության» ընթացքում զոհվել է 5 937 ռուս զինծառայող։ Շոյգուն չի նշել վիրավորների թիվը, սակայն նշել է, որ նրանց ավելի քան 90 տոկոսն ապաքինվել է և վերադարձել ծառայության:
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Շարունակվում են մեծ, բարդ մարտական գործողությունները, որոնք պատվով իրականացնում են մեր զինծառայողները, Լուգանսկի և Դոնեցկի Ժողովրդական Հանրապետությունների զինծառայողները, այլ ստորաբաժանումները, կամավորները, որոնք մասնակցում են այս գործողությանը։ Այսօր մենք կռվում ենք ոչ այնքան ուկրաինական բանակի, որքան հավաքական Արևմուտքի և ՆԱՏՕ-ի հետ։ Մենք շարունակում ենք կատարել մեր առջև դրված խնդիրները։ Հեշտ չէ, բայց մենք դրանք կկատարենք»,- ասել է Շոյգուն։
«Ռոսիա 24» պետական հեռուստաընկերության եթերում Ռուսաստանի պաշտպանության նախարարը խոսել է նաև Ուկրաինայի ռազմական կորուստների մասին. «Սկզբնական փուլում Ուկրաինայի զինված ուժերը բաղկացած էին մոտավորապես 201-202 հազար մարդուց։ Այս ընթացքում նրանց կորուստը գերազանցում է 100 հազարը։ Դրա հետ մեկտեղ՝ ունեն 61 207 զոհ, 49 368 վիրավոր: Սա բավականին մեծ կորուստ է, եթե խոսքը մոտ 200 հազարանոց բանակի մասին է, սա բանակի կեսն է»։
Ռուսաստանի պաշտպանության նախարարը անդրադարձել է նաև այսօր հայտարարված մասնակի զորահավաքին: Շոյգուի խոսքով՝ զորահավաքը կվերաբերի այն մարդկանց, որոնք ծառայել են բանակում, ունեն զինված ուժերին անհրաժեշտ մասնագիտություններ և մարտական փորձ ունեն: Խոսքը ուսանողների և ժամկետային զինծառայողների մասին չէ։
«Մենք ունենք մոբիլիզացիոն հսկայական ռեսուրս, նրանց ռեսուրսը, ովքեր արդեն ծառայել են, ունեն մարտական փորձ, ովքեր ունեն ռազմական մասնագիտություններ՝ գրեթե 25 միլիոն մարդ կա։ Մասնակի մոբիլիզացիան ծածկում է ընդհանուր ռեսուրսի 1%-ը, մի փոքր ավելի։ Շփման գիծն ինքնին, որը կարելի է անվանել առաջնագիծ, ավելի քան 1000 կիլոմետր է։ Բնական է, որ այն պետք է ուժեղացվի, այդ տարածքները պետք է վերահսկվեն, և, իհարկե, առաջին հերթին այս գործն արվում է դրա համար՝ նկատի ունեմ մասնակի մոբիլիզացիան։ Զորակոչվելու է 300 հազար պահեստազոր: Սա մեկ անգամ չի լինի, սա այն աշխատանքն է, որը կիրականացվի ըստ պլանի»,- ասել է Շոյգուն։
Ռուսաստանը 2022 թվականի փետրվարի 24-ին ներխուժեց Ուկրաինա և սկսեց լայնածավալ պատերազմ։ Ուկրաինայի պաշտպանության նախարարության տվյալներով՝ վերջին յոթ ամիսների ընթացքում ռուսական կողմից սպանվել է մոտավորապես 55 110 զինվորական։ Բացի այդ, ոչնչացվել է 2 227 ռուսական տանկ և 4 748 միավոր զրահամեքենա։
Ուկրաինայի Զինված ուժերի գլխավոր հրամանատար Վալերի Զալուժնին օգոստոսի 22-ին վետերանների և կամավորների ֆորումում ունեցած ելույթի ժամանակ առաջին անգամ մեկնաբանել է պատերազմում Ուկրաինայի կորուստները։ Reuters-ի փոխանցմամբ՝ Զալուժնին ասել է, որ փետրվարի 24-ից ի վեր մոտ 9 000 ուկրաինացի զինվոր է մահացել։