Hərbi qulluqçu 41 yaşlı İrakli Apriamaşvilinin intiharı ilə bağlı 3 nəfər – mərhumun əməkdaşları saxlanılıb. Prokurorluğun məlumatına görə, onlar qrup halında zorakılıq və intihar həddinə çatdırmaqda ittiham olunurlar.
İş materiallarına görə, bunu istintaqla müəyyən edilib ki, onların əməkdaşının təqsirləndirilən şəxslərin dostunun arvadı ilə şəxsi yazışmaları hərbçilərə məlum olub və bu səbəbdən də ondan qisas almaq və onu cəzalandırmaq qərarına gəliblər.
Prokurorluğun məlumatına görə, yanvarın 11-də təqsirləndirilən şəxslər Qori rayonunun Axalşeni kəndindəki evdə İrakli Apriamaşviliyə yaxınlaşaraq ona fiziki təzyiq göstəriblər, onu törətdiyi davranışı etiraf etməyə məcbur ediblər və onu bu məlumatın açıqlanması, eləcə də orduda buna görə qeyri-formal şəkildə cavab verəcəyi ilə hədələyiblər.
“Hər üç təqsirləndirilən şəxs tərəfindən təhdid və qəddar rəftar nəticəsində istintaqın hazırkı mərhələsində zərərçəkmişin hadisə yerindən qaçdığı və daha sonra asılmış vəziyyətdə tapıldığı müəyyən edilib”, - Prokurorluq deyir.
Hüquq-mühafizə orqanları əsgərləri fevralın 15-də saxlayıblar. Prokurorluq onlara qarşı həbs qətimkan tədbirinin tətbiq edilməsi üçün məhkəməyə müraciət edir. Bölmənin məlumatına görə, istintaq davam edir.
İrakli Apriamaşvilinin faciəli ölümü ilə bağlı məlumatı yanvarın 12-də prokurorluq təsdiqləyib. Yayılan məlumatda 1982-ci il təvəllüdlü kapral İrakli Apriamaşvilinin məzuniyyətdə olduğu bildirilib. O, Qoridə faktiki iqamətgahının yaxınlığında, Axalşeni kəndi yaxınlığındakı meşədə asılmış vəziyyətdə tapılıb.
