სამხედრო მოსამსახურის, 41 წლის ირაკლი აფრიამაშვილის თვითმკვლელობის საქმეზე სამი ადამიანი - გარდაცვლილის თანამშრომლები დააკავეს. პროკურატურის ინფორმაციით, მათ ჯგუფურად ჩადენილი ძალადობა და თვითმკვლელობამდე მიყვანა ედებათ ბრალად.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
საქმის მასალების მიხედვით, გამოძიებით დადგენილია, რომ სამხედრო მოსამსახურეებისთვის ცნობილი გახდა მათი თანამშრომლის პირადი მიმოწერის შესახებ ბრალდებულების მეგობრის მეუღლესთან, რის გამოც თანამშრომელზე შურისძიება და მისი დასჯა გადაწყვიტეს.
როგორც პროკურატურაში აცხადებენ, 11 იანვარს, ბრალდებულებმა ირაკლი აფრიამაშვილს გორის რაიონის სოფელ ახალშენში, საცხოვრებელ სახლთან მიაკითხეს და მასზე ფიზიკურად იძალადეს, მას ჩადენილი საქციელის აღიარებას აიძულებდნენ და ამ ინფორმაციის გამჟღავნებით, ასევე, სამხედრო ნაწილში აღნიშნულზე არაფორმალური რეაგირებით ემუქრებოდნენ.
„სამივე ბრალდებულის მიერ მუქარისა და სასტიკი მოპყრობის გამო, ამ ეტაპზე გამოძიებით დადგენილია, რომ დაზარალებული შემთხვევის ადგილიდან გაიქცა და მოგვიანებით იგი ჩამომხრჩვალი იპოვეს“, - განაცხადეს პროკურატურაში.
სამხედროები 15 თებერვალს დააკავეს. პროკურატურა მათ დაპატიმრებას ითხოვს. საქმეზე გამოძიება გრძელდება.
ირაკლი აფრიამაშვილის დაღუპვის შესახებ ინფორმაცია პროკურატურამ 12 იანვარს დაადასტურა. გავრცელებულ განცხადებაში ნათქვამი იყო, რომ 1982 წელს დაბადებული, კაპრალი ირაკლი აფრიამაშვილი დათხოვნაში იმყოფებოდა. ის გორში, თავისი ფაქტობრივი საცხოვრებლის მახლობლად, სოფელ ახალშენის განაპირას არსებულ ნაძვნარში ჩამომხრჩვალი იპოვეს.