Ռուսաստանի նախագահը ճանաչել է Ուկրաինայի օկուպացված շրջանների՝ Զապորոժիեի և Խերսոնի «պետական ինքնիշխանությունն ու անկախությունը»։ Վլադիմիր Պուտինը համապատասխան հրամանագրերը ստորագրել է այսօր՝ սեպտեմբերի 30-ին։
Լրահոս
Եթե ռուսական օրենքի լիագումար նիստը նշանակվի ապրիլի 29-ին, մենք կխանգարենք դրա անցկացմանը. ցուցարարներ
Եթե օրենքն ընդունեք, մենք կխրախուսենք Վրաստանի նկատմամբ ԱՄՆ քաղաքականության փոփոխությունը. 14 սենատորները՝ Կոբախիձեին
Ընթերցողի ընտրանի
- 1 145 հազար ֆիզիկական անձանց հարկային պարտքերը կզրոյացվեն
- 2 Վրաստանը ձևավորվում է որպես կիսակոնսոլիդացված ավտորիտար ռեժիմ. Freedom House
- 3 Կարող եք սպասել [մեր արձագանքին]. Պետդեպարտամենտը՝ ռուսական օրենքի մասին
- 4 ՄԱԿ-ը Վրաստանին կոչ է անում հետ կանչել ռուսական օրենքը
- 5 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 6 Ռուսական օրենքի ընդունումից հետո ԵՄ-ին անդամակցելու բանակցություններ չեն լինի. Ֆոն Կրամոն
Իրավական տեղեկատվության պորտալում հրապարակված հրամանագրերի համաձայն՝ Պուտինը ճանաչել է Զապորոժիեի և Խերսոնի անկախությունը՝ «համաձայն միջազգային իրավունքի համընդհանուր ընդունված սկզբունքների և նորմերի, հաշվի առնելով և հաստատելով ՄԱԿ-ի կանոնադրությամբ սահմանված ժողովուրդների իրավահավասարության և ինքնորոշման սկզբունքը և հանրաքվեներում տարածաշրջանի բնակիչների դրսևորած կամքը»:
Այս ամենին նախորդել էր սեպտեմբերի 23-27-ը Զապորոժիեի՝ Ռուսաստանի կողմից օկուպացված մի հատվածում, իսկ Խերսոնի շրջանում այսպես կոչված հանրաքվեների անցկացումը: Հանրաքվեի հարցը ձևակերպվել է հետևյալ կերպ. «Համաձա՞յն եք, որ շրջանը դուրս գա Ուկրաինայից, ստեղծի անկախ պետություն և միանա Ռուսաստանի Դաշնությանը»։ Արդյունքների համաձայն, որոնք չեն ճանաչվել Ուկրաինայի և միջազգային հանրության կողմից, Զապորոժիեի ընտրողների 93%-ը կողմ է արտահայտվել անկախության հռչակմանը և Ռուսաստանին միանալուն, իսկ 87%-ը՝ Խերսոնում։ Միեւնույն ժամանակ, այսպես կոչված Դոնեցկի և Լուգանսկի հանրապետություններում նույնպես հանրաքվեներ են անցկացվել, որոնց անկախությունը Պուտինը ճանաչել էր ընթացիկ տարվա փետրվարին՝ նախքան Ուկրաինա ներխուժելը։ Ինքնահռչակ հանրապետությունների իշխանությունների տվյալներով՝ Դոնեցկում 99%-ը, Լուգանսկում՝ 98%-ը կողմ է արտահայտվել Ռուսաստանին միանալուն։
Այսօր Կրեմլի պալատում Պուտինը նախատեսում է «պայմանագրեր» ստորագրել «չորս նոր տարածքների»՝ Ռուսաստանի Դաշնության կազմ մտնելու վերաբերյալ։ Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշը հայտարարել է, որ սա Ուկրաինայի օկուպացված շրջանների բռնակցման գործընթացի սկիզբն է, որը խախտում է ՄԱԿ-ի կանոնադրությունը և միջազգային իրավունքը։
«Ռուսաստանի Դաշնությունը՝ որպես Անվտանգության խորհրդի հինգ մշտական անդամներից մեկը, պարտավոր է հարգել կանոնադրությունը։ Դոնեցկի, Լուգանսկի, Խերսոնի և Զապորոժիեի շրջանների բռնակցման հետ կապված ցանկացած որոշում իրավական արժեք չի ունենա և պետք է դատապարտվի։ Միավորված ազգերի կազմակերպության դիրքորոշումը միանշանակ է՝ մենք լիովին աջակցում ենք Ուկրաինայի ինքնիշխանությանը, միասնությանը, անկախությանը և տարածքային ամբողջականությանը նրա միջազգայնորեն ճանաչված սահմաններում»։
ՄԱԿ-ի գլխավոր քարտուղարի խոսքով՝ օկուպացված շրջաններում այսպես կոչված հանրաքվեներն անցկացվել են ակտիվ զինված հակամարտության ժամանակ, Ռուսաստանի կողմից գրավված վայրերում, և դրանք չեն կարող համարվել ժողովրդի իրական կամարտահայտում։