Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին

«Հոկտեմբերին համապատասխան հայց կներկայացվի՝ կոլեկտիվ «Ազգային շարժման» ներքո գործող բոլոր կուսակցությունները հակասահմանադրական ճանաչելու համար։ Սա ժողովրդավարական գործընթաց է, և այս հայցը անպայման կներկայացվի Սահմանադրական դատարան», - լրագրողներին ասել է Կոբախիձեն։

Ավելի վաղ «Վրացական երազանքի» խորհրդարանում ստեղծված ժամանակավոր քննիչ հանձնաժողովի նախագահ Թեա Ծուլուկիանին հայտարարել էր, որ հանձնաժողովի եզրակացությունը հիմք կհանդիսանա Սահմանադրական դատարանում համապատասխան իրավական ընթացակարգեր սկսելու համար, որոնց նպատակը կլինի «Ազգային շարժման» և դրա անդամների քաղաքական գործունեության արգելումը։

Ընդդիմադիր կուսակցությունների արգելումը «Վրացական երազանքի» հիմնական խոստումներից մեկն էր 2024 թվականի խորհրդարանական ընտրություններից առաջ։

Բացի «Միացյալ ազգային շարժումից», «Վրացական երազանքը» թիրախավորում է հետևյալ կուսակցություններին. «Ստրատեգիա Աղմաշենեբելի», «Եվրոպական Վրաստան», «Ախալի», «Գիրչի – ավելի շատ ազատություն», «Դրոա», «Լելո» և «Գախարիա – հանուն Վրաստանի»։