Կենտրոնական ընտրական հանձնաժողովի տվյալներով՝ «Վրացական երազանքի» քաղաքապետի թեկնածուները 64 մունիցիպալիտետներից 25-ում ստացել են ձայների 100%-ը։ Սրանք այն ընտրատարածքներն են, որտեղ ընդդիմադիր կուսակցությունները թեկնածուներ չեն առաջադրել։
Լրահոս
Ընթերցողի ընտրանի
- 1 Հայաստանում ձերբակալվել է Ռուսաստանի կողմից հետախուզվող Վրաստանի քաղաքացի
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 ՊԱԾ-ը ձերբակալել է պաշտպանության նախկին նախարար Ջուանշեր Բուրճուլաձեին
- 4 ԵԱՀԿ/ԺՀՄԻԳ-ի դիտորդական առաքելությունը չի դիտարկի հոկտեմբերի 4-ի ընտրությունները
- 5 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 6 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
Ըստ ԿԸՀ-ի՝ ձայների 100 տոկոսը ստացել են «Վրացական երազանքի» հետևյալ թեկնածուները.
- Սագարեջո - Վախթանգ Կակուտաշվիլի (8539 ձայն)
- Գուրջաանի - Գիորգի Մաճավարիանի (19 588 ձայն)
- Դեդոփլիսծղարո - Նիկոլոզ Ջանիաշվիլի (5271 ձայն)
- Կվարելի - Իլիա Մզեկալաշվիլի (10 669 ձայն)
- Թիանեթի - Լևան Ծիկլաուրի (2347 ձայն)
- Գարդաբանի - Դավիթ Կարգարեթելի (9772 ձայն)
- Դմանիսի - Կոբա Մուրադաշվիլի (7795 ձայն)
- Ծալկա - Իլիա Սաբաձե (3935 ձայն)
- Թեթրիծղարո - Միխայիլ Ապցիաուրի (3751 ձայն)
- Ախալցիխե - Վառլամ Ցիլկաուրի (14 812 ձայն)
- Ադիգենի - Գոչա Քիմաձե (8135 ձայն)
- Ասպինձա - Ռոստոմ Մագրակվելիձե (3935 ձայն)
- Ախալքալաք - Մելքոն Մակարյան (13 346 ձայն)
- Նինոծմինդա - Անիվարդ Մոսոյան (8713 ձայն)
- Օնի - Դավիթ Լոբժանիձե (1555 ձայն)
- Ամբրոլաուրի - Զազա Կևանիշվիլի (3682 ձայն)
- Ցագերի - Չաբուկի Չաբուկիանի (2754 ձայն)
- Լենտեխի - Գիորգի Գազդելիանի (1091 ձայն)
- Մեստիա - Կապիտոն Ժորժոլիանի (1296 ձայն)
- Սաչխերե - Լևան Իվանաշվիլի (17 670 ձայն)
- Բաղդաթի - Նոդար Գիորգիձե (7857 ձայն)
- Վանի - Ալեքսանդր Գոգորիշվիլի (9975 ձայն)
- Տղիբուլի - Դավիթ Կուբլաշվիլի (6034 ձայն)
- Աբաշա - Գիգա Գաբելիա (7886 ձայն)
- Մարտվիլի - Գիորգի Նաչկեբիա (10 549 ձայն)
Հոկտեմբերի 4-ի ՏԻՄ ընտրությունները տեղի ունեցան ընդդիմության մեծ մասի բոյկոտի պայմաններում: Հիմնական ընդդիմադիր կուսակցություններից քվեարկությանը մասնակցեցին միայն «Լելո - ուժեղ Վրաստան» կոալիցիան և «Գախարիան հանուն Վրաստանի» կուսակցությունը։
Կենտրոնական ընտրական հանձնաժողովի նախնական տվյալների համաձայն՝ 3061 ընտրատեղամասերից 2283-ի արդյունքների հիման վրա, «Վրացական երազանքը» ստացել է ձայների 80․79%-ը՝ 932 916 ձայն։
Ընտրողների մասնակցությունը կազմել է 40.93%, ինչը նշանակում է, որ 3 513 818 գրանցված ընտրողներից ընտրատեղամասեր են ներկայացել 1 438 116-ը: Թբիլիսիում մասնակցությունը կազմել է 31.08% (324 281 ընտրող)։
Նախորդ՝ 2021 թվականի տեղական ինքնակառավարման մարմինների ընտրություններում ընտրողների ընդհանուր մասնակցությունը կազմել է 51.92%: Թբիլիսիում ընտրություններին մասնակցել է ընտրողների 56.4%-ը։
2017 թվականի ընտրություններում գրանցվել է 45.65% մասնակցություն, իսկ Թբիլիսիի ցուցանիշը կազմել է 43.4%։
