Ռուսաստանը պատերազմական դրություն է հայտարարել Ուկրաինայի բռնակցված տարածքներում՝ Դոնեցկի, Լուգանսկի, Խերսոնի և Զապորոժիեի շրջաններում։ Այս որոշման մասին նախագահ Պուտինն ասել է Անվտանգության խորհրդի նիստում։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 4 Ռուսաստանը կանոնավոր չվերթներ է սկսել դեպի օկուպացված Աբխազիա
- 5 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
- 6 Ճիաթուրայում ձերբակալվել է ցույցի մասնակից 4 հանքափոր․ նրանց սպառնում է մինչև 6 տարվա ազատազրկում
«Ուկրաինական հատուկ ծառայությունները դիվերսիոն խմբեր են ուղարկում մեր տարածքների ուղղությամբ։ Նրանք կազմակերպել են նաև Ղրիմի կամրջի պայթեցումը։ Նաև ահաբեկչություններ տարբեր շրջաններում, այդ թվում՝ հասարակական հավաքատեղիներում։ Դա վերաբերում է նաև տրանսպորտային գոտիներին, էներգետիկ և ատոմային էներգիայի օբյեկտներին։ Հիշեցնեմ, որ Դոնեցկի և Լուգանսկի Ժողովրդական Հանրապետություններում, ինչպես նաև Խերսոնի և Զապորոժիեի շրջաններում մինչ Ռուսաստանին միանալը գործում էր պատերազմական դրություն։ Այժմ անհրաժեշտ է այս ռեժիմը ֆորմալացնել ռուսական օրենսդրությանը համապատասխան։ Ես ստորագրել եմ հրամանագիրը, ըստ որի՝ մենք պատերազմական դրություն ենք հայտարարում Ռուսաստանի այս չորս տարածքային միավորներում»,- ասել է Վլադիմիր Պուտինը։
Ելույթ ունենալով Անվտանգության խորհրդի նիստում՝ Պուտինը նախարարների կաբինետին և նրա ղեկավար Միխայիլ Միշուստինին հանձնարարել է ստեղծել հատուկ համակարգող խորհուրդ, որը կօգնի Ռուսաստանին հասնել Ուկրաինայում մեկնարկած «հատուկ ռազմական գործողության» նպատակներին։
Սեպտեմբերի 23-27-ը Ռուսաստանը կեղծ հանրաքվեներ է անցկացրել Ուկրաինայի ժամանակավոր օկուպացված Դոնեցկի, Լուգանսկի, Խերսոնի և Զապորոժիեի շրջաններում, իսկ սեպտեմբերի 30-ին այդ շրջանները հայտարարվել են որպես Ռուսաստանի տարածքային սուբյեկտներ։ Հոկտեմբերի 3-ին ՌԴ Խորհրդակցական մարմինը վավերացրել է «հանրաքվեի» արդյունքները և ուկրաինական տարածքների բռնակցման վերաբերյալ փաստաթղթերը։
Ռուսաստանը 2022 թվականի փետրվարի 24-ին լայնամասշտաբ պատերազմ սկսեց Ուկրաինայում։ Պուտինն Ուկրաինայի դեմ այսպես կոչված հատուկ ռազմական գործողության մեկնարկի պատճառներից մեկը նշեց ՆԱՏՕ-ին անդամակցելու Ուկրաինայի ցանկությունը։ Օգոստոսի վերջին Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարել էր, որ ՆԱՏՕ-ին անդամակցելուց հրաժարվելն այլևս բավարար պայման չէ ուկրաինական պատերազմը դադարեցնելու համար:
