Գորիի մունիցիպալիտետի Ախալուբանի գյուղում բնակվող Վրաստանի քաղաքացի, 28-ամյա Գիորգի Քուջոշվիլին ազատ է արձակվել Ցխինվալիի բանտից։ Ռուսական օկուպացիոն ուժերի կողմից Քուջոշվիլին ձերբակալվել էր 2022 թվականի մարտի 26-ից՝ այսպես կոչված սահմանն ապօրինի հատելու մեղադրանքով։ Ցխինվալիի այսպես կոչված դատարանը նրան դատապարտել էր վեց ամսվա ազատազրկման։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Դե ֆակտո Անվտանգության կոմիտեն հայտարարել է, որ Վրաստանի քաղաքացին ազատ է արձակվել պատիժը կրելուց հետո։
«Նշված անձը բազմիցս խախտել է Հարավային Օսիայի պետական սահմանային ռեժիմը, և այդ կապակցությամբ նրան վարչական պատասխանատվության են ենթարկել։ 2022 թվականի մայիսի 20-ին Ցխինվալիի շրջանային դատարանը Քուջոշվիլիին մեղավոր է ճանաչել ՌԴ քրեական օրենսգրքի 322-րդ հոդվածի առաջին մասով՝ պետական սահմանի ապօրինի հատումով նախատեսված հանցագործության մեջ և դատապարտել վեց ամսվա ազատազրկման»,- ասված է Դե ֆակտո Անվտանգության կոմիտեի հայտարարության մեջ։
Սեպտեմբերի 9-ին Վրաստանի Պետական անվտանգության ծառայության ղեկավար Գրիգոլ Լիլուաշվիլին խորհրդարանին ներկայացրեց Պետական անվտանգության ծառայության գործունեության 2021 թվականի հաշվետվությունը, որի ընթացքում հայտարարեց, որ ապօրինի ձերբակալված Վրաստանի բոլոր քաղաքացիներն ազատ կարձակվեն։
«2021 թվականին Ռուսաստանի Դաշնության օկուպացիոն ուժերը Աբխազիայի ուղղությամբ արձանագրել են 11 ապօրինի ձերբակալություն, իսկ Ցխինվալիի ուղղությամբ՝ 70։ 2021 թվականի վերջին անօրինական կալանքի տակ էր գտնվում Վրաստանի 7 քաղաքացի, այդ թվում՝ Իրակլի Բեբուան, ում ազատությունը օկուպացիոն ռեժիմը 9 տարի ապօրինաբար սահմանափակել էր։
Ուզում եմ նախ և առաջ վստահեցնել ապօրինի ձերբակալվածների ընտանիքներին, ինչպես նաև հարգելի պատգամավորներին, որ Վրաստանի բոլոր քաղաքացիները կազատվեն անօրինական կալանքից։ Վրաստանն ունի այս ազատման գործողությունն իրականացնելու ուժն և պրակտիկան:
Սա հաստատելու համար կարող ենք բերել բազմաթիվ ապօրինի ազատազրկումներ, որոնք խաղաղ ավարտ են ունեցել, սակայն, ցավոք, ունենք նաև հակառակ դեպքեր»,- ասել է Լիլուաշվիլին։
Վերջերս Ցխինվալիի ռեժիմը ազատ է արձակել ապօրինի ձերբակալված ԱՄՆ քաղաքացի Ֆրենկ Յանեզին, ինչպես նաև Վրաստանի քաղաքացիներին՝ Լևան Մաչաբելիին, Զազա Մեգրելիշվիլիին և Թամազ Գոգիչաշվիլիին։ Նախկին զինծառայող 41-ամյա Մամուկա Չհիկվաձեն շարունակում է մնալ Ցխինվալիի բանտում։ Նա ձերբակալվել է 2021 թվականի դեկտեմբերի 10-ին Գորիի մունիցիպալիտետի Նիքոզի գյուղի մոտ՝ սահմանն ապօրինի հատելու մեղադրանքով: Ինչպես նաև նա մեղադրվում է թմրամիջոցի մաքսանենգության, ավելի քան 4 գրամ «մարիխուանա» տեսակի թմրամիջոցի տեղափոխման մեջ։ 2022 թվականի մայիսին դե ֆակտո դատարանը Չխիկվաձեին մեղավոր է ճանաչել և դատապարտել 5,6 տարվա ազատազրկման։ Չխիկվաձեի տեղի փաստաբանը վճիռը բողոքարկել է և ապօրինի պատիժը կրճատվել է մինչև 3,8 տարի։
