Թբիլիսիի քաղաքային դատարանի դատավոր Թամար Մճեդլիշվիլին եվրոպամետ հանրահավաքի մասնակիցներ Զվիադ Ցեցխլաձեին, Վեփխիա Կասրաձեին և Վասիլ Կաձելաշվիլիին մեղավոր ճանաչեց Քրեական օրենսգրքի 226-րդ հոդվածով՝ խմբակային գործողությունների կազմակերպում, և նրանց դատապարտեց 2 տարի 6 ամսվա ազատազրկման: Թոռնիկե Գոշաձեն, Ինսաֆ Ալիևը, Իրակլի Միմինոշվիլին, Գիորգի Գորգաձեն և Նիկոլոզ Ջավախիշվիլին դատապարտվեցին 2 տարվա ազատազրկման նույն հոդվածով:
Լրահոս
Ընթերցողի ընտրանի
- 1 Հայաստանում ձերբակալվել է Ռուսաստանի կողմից հետախուզվող Վրաստանի քաղաքացի
- 2 CRRC. Բնակչության 78%-ը կարծում է, որ վիզայի ազատականացման դադարեցումը վնասակար կլինի
- 3 Չինաստանը Վրաստանին չի հրավիրել Պեկինում նախատեսված Հաղթանակի շքերթին
- 4 Վազիանիի բնակավայրում զինվորի դի է հայտնաբերվել
- 5 8 ցուցարարների գործը. ձերբակալվածները դատապարտվեցին 2 և 2.5 տարվա ազատազրկման
- 6 Միխեիլ Կավելաշվիլին ներում է շնորհել Մամուկա Խազարաձեին և Բադրի Ջափարիձեին
8 ցուցարարների գործով դատավճիռը հրապարակվեց այսօր՝ սեպտեմբերի 2-ին: Դատավորը վերաորակեց դատախազության կողմից առաջադրված մեղադրանքները՝ խմբակային բռնության կազմակերպում և մասնակցություն:
Դատախազությունը 20-ամյա ուսանող Զվիադ Ցեցխլաձեին, ինչպես նաև «Լելո - Ուժեղ Վրաստանի» անդամներին՝ 51-ամյա Վասիլ Կաձելաշվիլիին և 53-ամյա Վեփխիա Կասրաձեին մեղադրանք է առաջադրել խմբակային բռնության կազմակերպման համար (225-րդ հոդվածի 1-ին մաս), որը նախատեսում է 6-ից 9 տարի ազատազրկում։
19-ամյա Նիկոլոզ Ջավախիշվիլիին, 20-ամյա Գիորգի Գորգաձեին, 25-ամյա Թոռնիկե Գոշաձեին, 20-ամյա Իրակլի Միմինոշվիլիին և 34-ամյա Ինսաֆ Ալիևին մեղադրանք է առաջադրվել խմբակային բռնությանը մասնակցելու համար (225-րդ հոդվածի 2-րդ մաս), որը նախատեսում է 4-ից 6 տարի ազատազրկում։
Ձերբակալվածներից ոչ մեկը չի ընդունել իր մեղքը։ Փաստաբանների խոսքով՝ դատախազությունը չի կարողացել ներկայացնել նրանց մեղքը հաստատող որևէ ապացույց։
«Մեղադրող կողմերը չկարողացան պատճառահետևանքային կապ հաստատել մեղադրանքների և դրանցում խոսվող փաստական հանգամանքների միջև։ Դատախազության կողմից խղճի բանտարկյալներին մեղադրող հանցագործությունները չեն կատարվել միաժամանակ կամ նույն վայրում։ Օրինակ՝ Զվիադ Ցեցխլաձեն մեղադրվում է նոյեմբերի 30-ին տեսաուղերձով բռնի գործողություններ կազմակերպելու մեջ, մինչդեռ մյուս քաղբանտարկյալները մեղադրվում են նոյեմբերի 30-ից առաջ կատարված հանցագործությունների մեջ», - ասել է փաստաբաններից մեկը՝ Շոթա Թութբերիձեն։
Փաստաբանների կարծիքով՝ քրեական գործը քաղաքական դրդապատճառներ ունի։
2024 թվականի նոյեմբեր-դեկտեմբեր ամիսներին Ռուսթավելի պողոտայում տեղի ունեցած բողոքի ցույցերի ժամանակ խմբակային բռնության մասնակցելու մեղադրանքով ձերբակալվել է ևս 11 մարդ՝ Անդրո Ճիճինաձեն, Օնիսե Ցխադաձեն, Ջանո Արչաիան, Ռուսլան Սիվակովը, Լուկա Ջաբուան, Գուրամ Միրցխուլավան, Վալերի Թեթրաշվիլին, Գիորգի Թերիշվիլին, Իրակլի Քերաշվիլին, Ռեզո Կիկնաձեն և Սերգեյ Կուխարչուկը։ Դատավոր Նինո Գալուստաշվիլին այս գործով դատավճիռը կհրապարակի վաղը՝ սեպտեմբերի 3-ին։
