«Տնտեսության վերականգնումը փաստացի նպաստեց աղքատության մակարդակի նվազմանը։ 2021 թվականին, նախորդ տարվա համեմատ, աղքատության մակարդակը նվազել է 3,8%-ով՝ 21,3%-ից հասնելով 17,5%-ի, իսկ 2019 թվականի համեմատ՝ 2%-ով։ Կարելի է ասել, որ այսօր աղքատության մակարդակը գտնվում է պատմական նվազագույնի վրա, թեև հասկանում ենք, որ աղքատության մակարդակը դեռևս կարևոր մարտահրավեր է և բարձր է մեր երկրում։ Սա հաղթահարելու միակ ճանապարհը, ինչը իրատեսական է, արագ տնտեսական աճն է», - խորհրդարանում իր ելույթի ժամանակ ասել է էկոնոմիկայի և կայուն զարգացման նախարար Լևան Դավիթաշվիլին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Նախարարի խոսքով՝ 2022 թվականի հունվար-օգոստոսին արտահանումն աճել է գրեթե 37%-ով և կազմել 3,5 մլրդ դոլար։ Եվրամիության հետ ապրանքաշրջանառությունը նույնպես աճել է և հունվար-օգոստոսին կազմել է գրեթե 2,5 մլրդ դոլար։
«Տնտեսական ակտիվության բարձր աճն արտացոլվել է զբաղվածության աճի վրա, ինչպես առաջին, այնպես էլ երկրորդ եռամսյակներում գրանցվել է զբաղվածության աճ և գործազրկության նվազում։ Գործազրկության մակարդակը երկրորդ եռամսյակում նվազել է 4%-ով և կազմել 18,1%: Ե՛վ առաջին, և՛ երկրորդ եռամսյակում բիզնես ոլորտում աշխատատեղերի թիվը գերազանցել է մինչհամաճարակային ցուցանիշը։ 2019 թվականի նույն ժամանակահատվածի համեմատ 2022 թվականի առաջին եռամսյակում բիզնես ոլորտում աշխատատեղերն աճել են 51 հազարով, իսկ երկրորդ եռամսյակում՝ 35,5 հազար աշխատատեղով։
2022 թվականը դրական էր նաև օտարերկրյա ուղղակի ներդրումների ներգրավման առումով։ Հունվար-հունիսին գրանցվել են ռեկորդային թվեր, մենք ստացել ենք օտարերկրյա ուղղակի ներդրումներ՝ մոտավորապես 1 մլրդ ԱՄՆ դոլարի չափով», - Լևան Դավիթաշվիլին ընդգծել է նաև զբոսաշրջության վերականգնման դրական միտումը.
«2022 թվականի հունվար-օգոստոսին ճանապարհորդություններից ստացված եկամուտները վերականգնվել են գրեթե 95 տոկոսով։ Զբոսաշրջությունից ստացել ենք 2,1 միլիարդ դոլար: Հուլիսին և օգոստոսին զբոսաշրջությունից ստացված եկամուտը գերազանցել է մինչհամաճարակային՝ 2019 թվականի ցուցանիշը։ Դուք գիտեք, որ սա զբոսաշրջության եկամուտների ռեկորդային տարի է մեր պատմության մեջ: Հուսադրող են նաև սեպտեմբերի տվյալները։
2022 թվականի հունվար-օգոստոսին աճել է նաև միջազգային բեռնափոխադրումների բեռների քանակը, որը կազմել է 18 միլիոն տոննա և 20 տոկոսով ավելի է 2021 թվականի ցուցանիշից»։
Էկոնոմիկայի և կայուն զարգացման նախարարի խոսքով, այս տվյալների հիման վրա կարելի է ենթադրել, որ 2022 թվականին Վրաստանը կունենա ավելի բարձր տնտեսական աճ, քան ենթադրվում էր ի սկզբանե. «Արժույթի միջազգային հիմնադրամը կանխատեսում է, որ Վրաստանի տնտեսությունը կաճի 9 տոկոսով։ 2022-2027 թվականներին, ըստ նրանց կանխատեսումների, Վրաստանը կունենա ամենաբարձր՝ 5,6 տոկոս տնտեսական աճը տարածաշրջանում կամ Եվրոպայում։ Կարծում եմ՝ Վրաստանը կարող է ավելիին հասնել»։
