Միացյալ Նահանգների Պետդեպարտամենտը վիզային սահմանափակումներ է մտցրել Վրաստանի շուրջ 20 քաղաքացիների, այդ թվում՝ կառավարությունում որպես նախարարներ ծառայողների, խորհրդարանում, իրավապահ մարմինների և անվտանգության ծառայությունների ներկայացուցիչների, ինչպես նաև մասնավոր անձանց համար։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Դեպարտամենտը վիզային սահմանափակման քաղաքականության շրջանակներում նոր որոշումը հրապարակել է դեկտեմբերի 12-ին։ Այն արգելում է ԱՄՆ վիզաների տրամադրումը այն անձանց, ովքեր պատասխանատու են կամ մասնակից են Վրաստանում ժողովրդավարության խաթարմանը:
«Միացյալ Նահանգները խստորեն դատապարտում է «Վրացական երազանքի» շարունակական, դաժան և չարդարացված բռնությունը Վրաստանի քաղաքացիների, այդ թվում՝ ցուցարարների, ԶԼՄ-ների, իրավապաշտպանների և ընդդիմության անդամների նկատմամբ։ «Վրացական երազանքը» շեղվել է Վրաստանի եվրատլանտյան ապագայից, որը վրաց ժողովուրդը անչափ ցանկանում է, և որը նախատեսում է Վրաստանի Սահմանադրությունը։
Մենք պարտավորվում ենք երաշխավորել, որ ժողովրդավարության խախտման համար պատասխանատու կամ դրանում մասնակից բարձրաստիճան պաշտոնյաները ենթարկվեն վիզային սահմանափակումների: Մենք լրացուցիչ միջոցներ ենք նախապատրաստում, այդ թվում՝ պատժամիջոցներ՝ պատասխանատվության ենթարկելու նրանց, ովքեր խարխլում են Վրաստանում ժողովրդավարությունը»,- ասված է Պետդեպարտամենտի հայտարարության մեջ։
Պետդեպարտամենտը նշում է, որ Միացյալ Նահանգները վրաց ժողովրդի հետ միասին ցանկանում է տեսնել ուժեղ, բարգավաճ և ժողովրդավարական Վրաստան՝ ամուր ինտեգրված եվրատլանտյան հանրությանը։
ԱՄՆ-ը ընդհանուր հաշվով սահմանափակումներ է մտցրել «Վրացական երազանքի» հետ կապված ավելի քան 100 մարդու և նրանց ընտանիքի անդամների համար։
