Անցած շաբաթ գրանցվել է Covid-19-ի մահվան ամենացածր թիվը ամբողջ աշխարհում 2020 թվականի մարտից ի վեր: Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեյեսուսը հայտարարել է, որ համաճարակի վերջը տեսանելի է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
ԱՀԿ-ի կայքում հրապարակված տվյալների համաձայն՝ վերջին յոթ օրվա ընթացքում աշխարհում գրանցվել է կորոնավիրուսով վարակման 3 188 184 նոր դեպք, մահացել է 10 085 վարակակիր։
«Մենք երբեք ավելի լավ վիճակում չենք եղել համաճարակի ավարտվելու հարցում։ Մենք դեռ չենք հասել դրան, սակայն վերջը երևում է։ Մարաթոնի վազորդը կանգ չի առնում, երբ մոտենում է վերջնագծին: Նա ավելի ուժեղ՝ ողջ էներգիայով է սկսում վազել, որը մնացել է: Մենք տեսնում ենք վերջնագիծը, գիտենք, բայց հիմա ամենավատ ժամանակն է կանգ առնելու համար: Հիմա ժամանակն է ավելի ջանասիրաբար վազելու և համոզվելու, որ մենք հատում ենք սահմանագիծը և պարգևատրվում մեր քրտնաջան աշխատանքի համար: Եթե մենք չօգտագործենք այս հնարավորությունը հիմա, մենք վտանգում ենք ավելի շատ տարբերակներ ստանալ, ավելի շատ մահեր, ավելի շատ վնասներ և անորոշություն», - ասել է Գեբրեյեսուսը:
Առողջապահության համաշխարհային կազմակերպությունը հրապարակել է քաղաքականության վեց փաթեթ, որոնք տեղեկատվություն են տրամադրում կառավարությունների կողմից ձեռնարկվող հիմնական միջոցների մասին: Փաստաթղթերը ներառում են ուղեցույց թեստավորման, պատվաստումների, հիվանդությունների կառավարման լավագույն փորձի, առողջապահական հաստատություններում վարակի վերահսկման միջոցառումների, ապատեղեկատվության տարածման կանխարգելման և համայնքի ներգրավվածության վերաբերյալ: ԱՀԿ-ն խրախուսում է երկրներին ներդրումներ կատարել ռիսկային խմբերի, ներառյալ բուժաշխատողների և տարեցների 100%-անոց պատվաստման մեջ:
Սեպտեմբերից Վրաստանի առողջապահության նախարարությունը կհրապարակի Covid-ի վիճակագրությունը ոչ թե շաբաթական, այլ ամիսը մեկ անգամ։ Օգոստոսի 28-ից սեպտեմբերի 2-ն ընկած ժամանակահատվածում երկրում հայտնաբերվել է COVID-19-ի 12 787 նոր դեպք, վարակից մահացել է 8 մարդ։
2020 թվականի փետրվարի 26-ից մինչև 2022 թվականի սեպտեմբերի 2-ն ընկած ժամանակահատվածում Վրաստանում վարակը հաստատվել է 1 762 206 մարդու մոտ։ Նրանցից 16 900-ը մահացել է, 1 733 459-ը՝ ապաքինվել։ Կորոնավիրուսի դեմ ամբողջությամբ պատվաստվել է 1 276 173 քաղաքացի (երկու դեղաբաժնով): Լիովին պատվաստվածների մեծ մասի՝ 649 598 մարդու տարիքը 18-ից 49 է։
