Աշխատողի մահից հետո «Ռուսթավի ազոտը» տուգանվել է, իսկ գործունեությունը` մասամբ կասեցվել

Ազոտի գործարանի տարածքում՝ ամոնիակի սինթեզի արտադրամասի հարակից տարածքում, սառնարանների վերանորոգման ժամանակ փլուզվել է փայտամածը, որի տակ մնացել են մի քանի բանվորներ։

Երկու տուժածներն էլ գտնվում են Ռուսթավիի կենտրոնական հիվանդանոցում։ Բժշկի խոսքով՝ նրանց առողջական վիճակը միջին ծանրության է, կյանքին վտանգ չի սպառնում։

Աշխատանքի տեսչության տվյալներով՝ միջադեպը տեղի է ունեցել արհեստականորեն պատրաստված փայտամածի անկման հետևանքով. «Տեղում առկա խախտումները կրիտիկական անհամապատասխանություն են։ Աշխատանքի անվտանգության մասին Վրաստանի Օրգանական օրենքի հիման վրա 2 տարվա ընթացքում կրիտիկական անհամապատասխանությունների կրկնակի հայտնաբերման համար սահմանվում է ֆինանսական սանկցիա՝ կախված շրջանառությունից։ Ըստ այդմ, «Ռուսթավի ազոտ» ԲԲԸ-ն կտուգանվի 50 000 լարիով՝ աշխատանքային գործընթացի կասեցմամբ։ Միայն 2021 թվականին աշխատավայրում խախտումները վերացնելու նպատակով Աշխատանքի տեսչությունը տվել է 32 հանձնարարական, որոնք ներկայումս բողոքարկվում են «Ռուսթավի ազոտի» կողմից։ «Ռուսթավի ազոտ»-ն անցնում է ամբողջական ստուգման գործընթաց, և լրացուցիչ խախտումներ հայտնաբերելու դեպքում կձեռնարկվեն համապատասխան միջոցներ»,- ասված է Աշխատանքի տեսչական ծառայության հաղորդագրության մեջ։

ՆԳՆ տեղեկատվության համաձայն՝ նոյեմբերի 18-ին «Ռուսթավի ազոտ»-ում տեղի ունեցած միջադեպի առնչությամբ հետաքննություն է սկսվել քրեական օրենսգրքի 240-րդ հոդվածով, որը ենթադրում է հանքարդյունաբերական և արդյունաբերական աշխատանքների ընթացքում անվտանգության նորմերի խախտում։

«Ռուսթավի ազոտ» բաժնետիրական ընկերությունը Անդրկովկասում հանքային պարարտանյութեր և արդյունաբերական քիմիական նյութեր արտադրող խոշորագույն քիմիական ձեռնարկությունն է, որտեղ, ընկերության տվյալներով, աշխատում է մոտ 2 հազար մարդ։ Ընկերության բաժնետոմսերի 100%-ը պատկանում է «EU Investments» ԲԲԸ-ին, որի տնօրենն է Էֆրեմ Ուրումաշվիլին։

2021 թվականին աշխատավայրում մահացել է 34 (տղամարդ), 253 մարդ (37 կին և 216 տղամարդ) վիրավորվել է։ Արդյունաբերական վթարներից 1-ը զանգվածային բնույթի է, 58-ը՝ ծանր, 195-ը՝ միջին ծանրության։ Այստեղից մահերի և վնասվածքների զգալի թիվը բաժին է՝ ընկնում հանքարդյունաբերության և քարհանքի և բնակելի/ոչ բնակելի շինարարության արդյունքում: