Բաթումիի «Շերատոն» հյուրանոցում «Վրացական երազանքի» անդամները ֆիզիկական բռնություն են գործադրել «Հանուն Վրաստանի» կուսակցության նախագահ, նախկին վարչապետ Գիորգի Գախարիայի նկատմամբ։ Խմբակային հարձակման մասնակիցների թվում են եղել ոչ լեգիտիմ խորհրդարանի պատգամավոր Դիտո Սամխարաձեն և Աջարիայի Գերագույն խորհրդի անդամ Գիորգի Մանվելիձեն։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Գիորգի Գախարիան տեղափոխվել է հիվանդանոց։ Ականատեսների վկայությամբ՝ նրան դաժան ծեծի են ենթարկել։
«Դուք պատկերացում չունեք, թե ինչ սխալ եք թույլ տվել։ Չենք խնայելու, խոստանում եմ։ Եթե բոլոր հարձակվողները չձերբակալվեն 24 ժամվա ընթացքում, մենք հասնելու ենք բոլորին։ Իվանիշվիլի, ես քեզ անձամբ կնստեցնեմ մեղադրական նստարանին։ Եթե տեսնեմ թեկուզ մեկ ապացույց ոչնչացված, դա ձեզ համար վատ կլինի։ Զանգում եմ Աջարիայի դատախազին։ Նա ինձ չի պատասխանում։ «Շերատոնի» անվտանգությունն արդեն թաքցվել է։ Նրանք սկսել են ոչնչացնել ապացույցները»,- Facebook-ում գրել է «Հանուն Վրաստանի» կուսակցության փոխնախագահ, նախկին դատախազ Նաթիա Մեզվրիշվիլին։
Հունվարի 14-ին Գախարիան իր կուսակցության անդամների հետ մասնակցել է Բաթումիի քաղաքային դատարանի դատավարությանը։ Վերջին օրերին Բաթումիում տեղի ունեցած բողոքի ցույցերի ժամանակ ձերբակալվածների թվում են նաև «Հանուն Վրաստանի» անդամները։ Դատարանը Մատե Ցենտրաձեին դատապարտել է 5 օրվա, Էլիզբար Չխիկվաձեին՝ 12 օրվա վարչական ազատազրկման։
