Վրաստանի լրագրողական էթիկայի խարտիայի համաձայն՝ նոյեմբերի 28-29-ը Թբիլիսիի Ռուսթավելիի պողոտայում ոստիկանական ուժերի կողմից ցույցը ցրելու հետևանքով վիրավորվել է ԶԼՄ-ների 40 ներկայացուցիչ։ Նրանցից շատերը շտապ բժշկական օգնության կարիք են ունեցել, իսկ մի քանիսը կոտրվածքներով և այլ վնասվածքներով հոսպիտալացվել է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 5 Edison. Էգզիթ փոլի և ԿԸՀ-ի արդյունքների միջև 13% տարբերությունը վկայում է մանիպուլյացիայի մասին
- 6 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
Ըստ տուժած լրագրողների՝ հանրահավաքը ցրելու ժամանակ այս անգամ օգտագործված քիմիական նյութերը շատ ավելի ուժեղ են եղել՝ մաշկի և աչքերի այրվածքներ պատճառելով, վնասելով տեսողությունը և դժվարացնելով շնչելը։
Վիրավորվել է «TV Պիրվելիի» հինգ աշխատակից.
- Օպերատոր Նիկա Կոկաիայի դեմքին մի քանի անգամ պղպեղի սփրեյ են փչել,
- Լրագրող Աննա Մդիվանիի ուղղությամբ նույնպես սփրեյ են փչել, որից հետո նրա մոտ սպազմի նոպա է սկսվել,
- Ոստիկանները հարձակվել և ֆիզիկական բռնության են ենթարկել օպերատոր Գիորգի Շեքիրուլիին,
- Լրագրող Նանուկա Քաջաիային և նրա պատասխանողին ջրցան մեքենայով ջուր են ցողել,
- Վիրավորվել է օպերատոր Դավիթ Բոճիկաշվիլին, ով աշխատել է Նանուկա Քաջաիայի հետ։
«Մթավարի արխիի» լրագրող Դեա Մամիսեիշվիլին և օպերատոր Գիորգի Գոգինաշվիլին վիրավորվել են քիմիական նյութերով, իսկ լրագրող Քեթա Ցիցկիշվիլին ոստիկանների կողմից բանավոր բռնության է ենթարկվել և միջամտել են նրա մասնագիտական գործունեությանը։ Ոստիկանները խոչընդոտել են նաև լրագրող Դավիթ Կոբիձեին և օպերատոր Լուկա Բաչիլավայի մասնագիտական գործունեությանը։
Հատուկ ջոկատայինները ֆիզիկական հարձակման են ենթարկել «Ֆորմուլա»-ի լրագրող Գուրամ Ռոգավային, ինչի արդյունքում նա ստացել է լուրջ վնասվածքներ (դեմքի ոսկորի և ողնուղեղի կոտրվածք՝ պարանոցի շրջանում)։ Լրագրողին խանգարել են նույնիսկ ֆիզիկական բռնությունից առաջ. մինչ նա ուղիղ եթերում էր, ոստիկանները ուժով հեռացրել են տարածքից։ Քիմիական նյութերից վիրավորվել են լրագրող Գիորգի Կվիժինաձեն և օպերատոր Թեդո Կվաչախիան։ Լրագրող Խատիա Սամխարաձեի ուղղությամբ նույնպես պղպեղի սփրեյ են փչել։
«Ազատություն» ռադիոկայանի տեղեկություններով՝ դիմակավորված հատուկ ջոկատայինները ուղիղ եթերի ժամանակ հարձակվել են իրենց լրագրող Դավիթ Ցագարելիի վրա՝ բռունցքով հարվածել նրա որովայնին։ Լրագրող Սալոմե Չադունելին վիրավորվել է Քաշվեթի եկեղեցու մոտ։ Միջամտել են օպերատորներ Իլիա Ռատիանիի և Զուկա Խիդաշելիի մասնագիտական գործունեությանը, որոնք թեթև վնասվածքներ են ստացել։
Հանրահավաքի ժամանակ ապօրինի ձերբակալվել է «Պուբլիկա»-ի լրագրող Ալեքսանդր Կեշելաշվիլին։ Ձերբակալության ժամանակ ոստիկանները բռնության են ենթարկել նրան, որի ժամանակ լրագրողը վնասվածքներ է ստացել գլխի և դեմքի հատվածում։ Նա հոսպիտալացման և վիրահատության կարիք է ունեցել։ Լրագրող Նաթիա Ամիրանաշվիլիի հեռախոսը դեն են նետել, նրան թույլ չեն տվել աշխատել։ Ֆոտոլրագրող Մինդիա Գաբաձեն մասնագիտական պարտականությունները կատարելիս վիրավորվել է իրավապահների կողմից։ Լրագրող Բաստի Մգալոբլիշվիլիին նույնպես մի քանի անգամ արգելել են աշխատել։ Հրատարակության տվյալներով՝ նրան մի քանի անգամ բռնել են ու ծեծի ենթարկել։
«Մեդիա ապրիլի» տեղեկություններով՝ վիրավորվել է ֆոտոլրագրող Տբել Աբուսերիձեն։
«Պուբլիկա»-ի տեղեկություններով՝ ոստիկանության աշխատակիցները ֆիզիկական բռնության են ենթարկել «Պրոեկտ 64»-ի հիմնադիր Գիորգի Գոգուային։
Վիրավորվել է OC Media-ի համահիմնադիր և լրագրող Մարիամ Նիկուրաձեն։ Լրագրողը վայր է ընկել իր ուղղությամբ աշխատող ջրցան մեքենայից արձակված ջրի շիթի հետևանքով։ Մի քանի անգամ նետել են նրա հեռախոսը։ Վնասվել է նաև տեսախցիկը։ Մարիամ Նիկուրաձեն նույնպես տուժել է պղպեղի սփրեյից։
Վիրավորվել է «Նեթգազեթի»-ի լրագրող Գիվի Ավալիանին, ում դեմքին պղպեղի սփրեյ են փչել։
«Ազատություն» ռադիոկայանի տեղեկություններով՝ վիրավորվել է «Առաջին ալիքի» օպերատոր Դավիթ Բեժանիշվիլին։
Ինչպես հայտնում է JAMnews-ը, ուկրաինացի ֆոտոլրագրող Յուլիա Կալաբանիի ուղիղ դեմքին պղպեղի սփրեյ են փչել, գցել գետնին ու հարվածել։
«Ռուսթավի 2»-ի լրագրողը վիրավորվել է ջրային շիթից։
Հատուկ ջոկատայինները ոտքերով հարվածել են Expressnews-ի լրագրող Իրակլի Մանագաձեին։
Ոստիկանության աշխատակիցները խոչընդոտել են «Մոնիտոր» ստուդիայի լրագրողներ Նինո Ծվերավային և Նինո Շուբիտիձեին տեսանկարահանել։ Ոստիկանները նրանց ուժով դուրս են բերել Քաշվեթիի եկեղեցու մուտքից։ Ոստիկանը ոտքով հարվածել է օպերատոր Գիորգի Բարամիձեին։
Աջարիայի հեռուստաընկերության լրագրող Նինո Լորչոշվիլին վիրավորվել է պղպեղի սփրեյից։
Վիրավորվել է բողոքի ցույցը լուսաբանող գերմանացի լրագրող։ Շրջանառվող լուսանկարում երևում է, որ նա վնասվածքներ ունի աչքերի շրջանում։
Լրագրողական էթիկայի խարտիան բողոքում է ոստիկանական ուժերի կողմից լրագրողների և օպերատորների հետապնդումների, նրանց աշխատանքին կանխամտածված միջամտության, հանրահավաքը ճնշելու ժամանակ տեխնիկայի միտումնավոր վնասման և առգրավման դեմ։
Խարտիան կոչ է անում ՆԳՆ-ին վերադառնալ օրենքի շրջանակ և դադարեցնել բռնությունն ու կամայականությունը։ Խարտիան նաև կոչ է անում Վրաստանի դատախազությանը արագ և արդյունավետ հետաքննել նոյեմբերի 28-29-ը ոստիկանական ուժերի կողմից կատարված ենթադրյալ հանցագործությունները։
