Բորջոմիի հովտում՝ Ախալդաբայի մոտակայքում անտառ է այրվում։ Ծուխը երեկ նկատել են տեղացիները։ Նրանց խոսքով՝ կրակը տարածված է բնակավայրից մոտ 10 կիլոմետր հեռավորության վրա գտնվող մեծ տարածքի վրա։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Երեկվանից տեղի բնակիչները, արտակարգ իրավիճակների կառավարման ծառայության հրշեջ-փրկարարները փորձում են մարել հրդեհը։ Այսօր առավոտյան ժամը 10:00-ի սահմաններում աշխատանքին ներգրավվել է սահմանապահ ոստիկանության չորս ուղղաթիռ։
Արտակարգ իրավիճակների կառավարման ծառայությունից հայտնում են, որ դժվարանցանելի տեղանքի պատճառով հնարավոր չէ հրդեհի օջախին մոտ տանել հրշեջ-փրկարարական տեխնիկա։
«Հրշեջներն ու փրկարարները ողջ գիշեր իրականացրել են տեղայնացման աշխատանքներ։ Հրդեհի մարման աշխատանքներին ներգրավված են Թբիլիսիի, Սամցխե-Ջավախեթիի և Շիդա Քարթլիի հրշեջ-փրկարարական վարչությունների 150 հրշեջներ և Շրջակա միջավայրի և գյուղատնտեսության նախարարության պահպանվող տարածքների գործակալության Բորջոմ-Խարագաուլիի ազգային պարկի ռեինջերներ։ Անհրաժեշտության դեպքում գործընթացին կներգրավվեն նաև այլ տարածքային կառավարման մարմիններից՝ համապատասխան հակահրդեհային տեխնիկայով։ Արտակարգ իրավիճակների կառավարման ծառայության կողմից կազմակերպվել է հատուկ դաշտային շտաբ, որտեղից համակարգվում են անտառային հրդեհների մարման աշխատանքները։ Հրդեհի մշտադիտարկումն իրականացվում է անօդաչու թռչող սարքերի միջոցով»,- ասված է արտակարգ իրավիճակների կառավարման ծառայության հաղորդագրության մեջ։
Հրդեհի պատճառն անհայտ է։ Ախալդաբացիների խոսքով՝ իրենց արգելված է անտառից փայտ բերել։
