Չեխ լրագրող Ռեյ Բեյսլին, ում թույլ չեն տվել մուտք գործել Վրաստան, ասել է, որ Թբիլիսիի միջազգային օդանավակայանում իրեն ապօրինաբար պահել են 34 ժամ, որից հետո վերադարձրել են Չեխիա։ Այդ մասին նա գրել է X սոցիալական ցանցում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Թբիլիսիի օդանավակայանում արտաքին աշխարհի հետ գրեթե կապ չունեցող 34 ժամ անօրինական կալանավորումից հետո ես այժմ ապահով գտնվում եմ Վարշավայի օդանավակայանում։ Ես տխուր եմ Վրաստանը լքելու համար։ Այս ընտրությունները ճակատագրական են երկրի և ամբողջ աշխարհի համար։ Պրահա կմեկնեմ այն հույսով, որ մոտ ապագայում կկարողանամ ուրիշների օգնությամբ վերադառնալ Վրաստան»,- գրել է լրագրողը։
Հոկտեմբերի 22-ի երեկոյան Ռեյ Բեյսլին հայտնել է, որ Թբիլիսիի միջազգային օդանավակայանի սահմանապահները «առանց հիմնավորման և լրացուցիչ բացատրության» թույլ չեն տվել մուտք գործել Վրաստան։ Նա հրապարակել է Վրաստանի ՆԳՆ որոշումը, որտեղ որպես մերժման հիմք նշվում է ստանդարտ սյունակը՝ «չի համապատասխանում Վրաստանի օրենսդրությամբ սահմանված այլ պահանջներին»։ Լրագրողի հեռախոսն ու այլ անձնական իրերը առգրավվել են։ Հոկտեմբերի 22-ի երեկոյից նրա հետ կապ հաստատել հնարավոր չի եղել։
Ռեյ Բեյսլին անկախ լրագրող է: Նա եկել էր Վրաստան՝ լուսաբանելու խորհրդարանական ընտրությունները։ Facebook-ում հրապարակված լուսանկարների համաձայն՝ Բեյսլին Թբիլիսիում էր նաև այս տարվա մայիսին, երբ այսպես կոչված «օտարերկրյա գործակալների» մասին ռուսական օրենքի դեմ ցույցեր էին տեղի ունենում։
