«Չեզոք Վրաստանի» դիմումից հետո դատախազությունը հետաքննություն է սկսել սաբոտաժի հոդվածով

«Միացյալ չեզոք Վրաստանի» առաջնորդներ Վատո Շաքարիշվիլին և Նանա Կակաբաձեն այլ անդամների հետ հունվարի կեսերին դիմում էին ներկայացրել դատախազություն։ Շաքարիշվիլին ասել է, որ Վրաստանի անվտանգության, կայունության և զարգացման համար անհրաժեշտ պայմաններից են համարվում «երկրում գործող լրտեսական ցանցի բացահայտումը» և «քաղաքական դաշտի ամբողջական մաքրումը լրտեսներից»։

«Մենք համապատասխան նյութեր ենք պատրաստել երկրի ազգային շահերի դեմ ուղղված հրապարակային հայտարարությունների և գործողությունների շղթայի մասին, որոնք իրականացվել են այսպես կոչված չորս ընդդիմադիր կուսակցությունների և նրանց հանցակիցների կողմից»,- ասել է Վատո Շաքարիշվիլին։

Դատախազության տվյալներով՝ ներկայացված դիմումի մեջ նշվում է, որ «ներքին և արտաքին դերակատարների գործողությունները բացահայտում են վրացական պետության դեմ ուղղված գործողությունների համակցություն, որոնք վտանգ են ներկայացնում Վրաստանի սահմանադրական կարգի և անվտանգության հիմքերի համար»։

Հետաքննություն է սկսվել Քրեական օրենսգրքի 318-րդ հոդվածի 1-ին մասով, 19,318-րդ հոդվածի 2-րդ մասով և 319-րդ հոդվածով, որը որպես պատիժ նախատեսում է 5-ից 10 տարի և 7-ից 15 տարի ժամկետով ազատազրկում։

Գլխավոր դատախազության քննչական բաժնի հետ մեկտեղ քննչական խմբում ընդգրկվել են Պետական ​​անվտանգության ծառայության և ՆԳՆ ստորաբաժանումները՝ «համապատասխան միջոցառումներն արդյունավետ իրականացնելու և բազմակողմանի, լրիվ և օբյեկտիվ քննություն իրականացնելու նպատակով»։