Ուսուցչի ազգային մրցանակի դափնեկիր Ռոլանդ Շավաձեն հայտնել է, որ Բաթումիի պետական համալսարանը, որտեղ նա աշխատում է ավելի քան 6 տարի, չի երկարաձգել իր աշխատանքային պայմանագիրը։ Շավաձեն կարծում է, որ որոշումը կապված այսպես կոչված «օտարերկրյա գործակալների» մասին ռուսական օրենքի դեմ ցույցերին նրա մասնակցության հետ։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
«Բաթումիի պետական համալսարանը (իմ մայր համալսարանը) 6 տարվա շարունակական համագործակցությունից հետո չերկարաձգեց իմ աշխատանքային պայմանագիրը և փաստացի կատարեց կառավարության քաղաքական պատվերը։ Պատճառները փնտրելու կարիք չկա. ես ակտիվորեն ներգրավված էի ռուսական օրենքի դեմ ցույցերին, և որպեսզի Վրաստանը չդառնա Ռուսաստանի նահանգ, ես գնացի քաղաքականություն, ինձ դա չեն ներել... Ուսուցչի ազգային մրցանակը հաղթելուց հետո համալսարանն առաջինն էր, որը շնորհավորեց ինձ մրցանակի համար, իսկ կայքում և սոցիալական ցանցերում բազմիցս տեղադրվեց տեղեկություն, որ համալսարանը հպարտանում էր իմ ձեռքբերումով, սակայն երկրի եվրոպական ապագայի համար պայքարին միանալուց հետո ամեն ինչ փոխվեց կառավարության թելադրանքով»,- գրում է Ռոին Շավաձեն սոցցանցում։
Ըստ դասախոսի՝ երկու շաբաթ առաջ պետհամալսարանի պատասխանատուի հետ պայմանավորվել է դասախոսությունների ժամերի ու աշխատանքային օրերի շուրջ, սակայն այսօր պարզվել է, որ իրեն ժամեր չեն մնացել։
«Հիմա ինձ հետ աշխատող մոտ 50 օտարալեզու հրավիրված դասախոսների հետ (բոլորի անխտիր) պայմանագրերը երկարաձգվել են և 10 հրավիրված դասախոսի համար մրցույթ է հայտարարվել։
Վստահեցնում եմ, որ համալսարանի այս ցավալի որոշումը չի խանգարի այն պայքարին, որը իմ առաջ եմ դրել, ձեր և այդ թվում «Երազանքի» աջակիցների երեխաների լավագույն ապագայի համար։ Հոկտեմբերի 26-ին բոլոր անարդարությունները վերջանալու են։ Միասին մենք կստեղծենք եվրոպական ապագան»,- գրում է Ռոլանդ Շավաձեն։
Բաթումիի պետական համալսարանի ղեկավարությունը չի հաստատել դասախոսի նկատմամբ քաղաքական հիմքերով խտրական մոտեցումը։ Ինչպես «Վրաստանի լուրերին» է հայտնել Լեզվի և տեղեկատվական տեխնոլոգիաների կենտրոնի ղեկավար Նինո Սամնիձեն, Ռոլանդ Շավաձեի աշխատանքային պայմանագիրը կկնքվի երկրորդ կիսամյակից, և նա ինքն է հայտնել այդ մասին։
«Որոշ ֆակուլտետներ անգլերենի դասընթացը սկսում են առաջին կիսամյակում, իսկ խմբերի մեծ մասը՝ երկրորդ կիսամյակում։ Ռոլանդին ասացի, որ 2-րդ կիսամյակում ծանրաբեռնված է լինելու, այնտեղ շատ խմբեր կան, հետո ժամերը բաժանվում են։ Պայմանագիրը նույնպես կկնքվի, երբ լինեն առարկաները»,- ասել է Նինո Սամնիձեն։
Ռոլանդ Շավաձեն 2022 թվականի Ուսուցչի ազգային մրցանակի դափնեկիր է։
