Ադրբեջանի դատարանը Ռուսաստանի ութ քաղաքացիների դատապարտել է չորս ամսվա նախնական կալանքի: Նրանք մեղադրվում են Իրանից թմրանյութերի մաքսանենգության և կիբեռհանցագործությունների մեջ: Բաքվում մոտ մեկ տասնյակ Ռուսաստանի քաղաքացիներ ձերբակալվել են այն բանից հետո, երբ Ռուսաստանում, մասնավորապես՝ Եկատերինբուրգում, ադրբեջանցիների ձերբակալության ժամանակ երկու մարդ զոհվեց, ինչպես պնդում է ադրբեջանական կողմը՝ իրավապահ մարմինների աշխատակիցների կողմից բռնության հետևանքով:
Լրահոս
Ընթերցողի ընտրանի
- 1 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 2 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 3 Իսրայելը հարվածել է Իրանի միջուկային ենթակառուցվածքին
- 4 Ուկրաինայի պատերազմում զոհվել է վրացի մարտիկ՝ 22-ամյա Դեմետրե Դարչիան
- 5 Դատարանը Ադրբեջանում ձերբակալված Ռուսաստանի քաղաքացիներին դատապարտել է նախնական կալանքի
- 6 «Վրացական երազանքի» էկոնոմիկայի նախարար Լևան Դավիթաշվիլին ազատվել է պաշտոնից
Շրջանառվող լուսանկարներում և տեսանյութերում Ադրբեջանում կալանավորված մի քանի Ռուսաստանի քաղաքացիների դեմքին կապտուկներ կան: Ինչպես գրում է «Կավկազսկի Ուզել» հրատարակությունը, նրանց թվում նույնականացվել են երկու ռուս ՏՏ մասնագետներ՝ 40-ամյա Անտոն Դրաչևը և 30-ամյա ծրագրավորող Դմիտրի Բեզուգլին, որոնք Ադրբեջանում հայտնվել են ոչ ուշ, քան 2022 թվականի աշնանը, չնայած լրագրողները չեն կարողացել պարզել, թե նրանք կոնկրետ ինչ էին անում այնտեղ: Ռուսական լրատվամիջոցների տվյալներով՝ կա մեկ այլ կալանավորված՝ Եկատերինբուրգի բնակիչ Ալեքսանդր Վայսերոն, ով արձակուրդում էր Ադրբեջանում:
Ավելի վաղ Ադրբեջանի գլխավոր դատախազությունը քրեական գործ էր հարուցել ռուս իրավապահ մարմինների աշխատակիցների կողմից երկու Ադրբեջանի քաղաքացիների կանխամտածված սպանության համար։
Հունիսի 27-ի առավոտյան Եկատերինբուրգում ձերբակալվել են ադրբեջանական սփյուռքի ներկայացուցիչներ։ Ռուսաստանի իշխանությունների տվյալներով՝ նրանք կասկածվում են 2001, 2010 և 2011 թվականներին տեղի ունեցած սպանությունների մեջ։ 55-ամյա Զիյադին և 60-ամյա Հուսեյն Սաֆարով եղբայրները մահացել են գործողության ընթացքում։
«Օպերատիվ ստորաբաժանման աշխատակիցները նրանց ծանր վնասվածքներ են հասցրել։ Զիյադին Սաֆարովը մահացել է իրավապահ մարմինների մեքենայում նույն օրվա առավոտյան ժամերին։ [...] Նրան խոշտանգել են ռուս իրավապահ մարմինները։ Հուսեյն և Զիյադին Սաֆարով եղբայրները մահացել են ստացած վնասվածքներից առաջացած հետտրավմատիկ շոկից», - մամուլի ասուլիսում հայտարարել է Ադրբեջանի գլխավոր դատախազության քննչական բաժնի ղեկավար Նեմատ Ավազովը։
Ռուսաստանի իշխանությունները հերքում են Սաֆարով եղբայրների սպանությունը։ Քննչական կոմիտեի տվյալներով՝ «նախնական տվյալներով» եղբայրներից մեկը «մահացել է սրտի անբավարարությունից, երկրորդ անձի մահվան պատճառը պարզվում է»։
Հունիսի 30-ին Ադրբեջանի Ներքին գործերի նախարարությունը խուզարկություն է անցկացրել Բաքվում գտնվող ռուսական քարոզչական «Սպուտնիկ Ադրբեջանի» գրասենյակում. ձերբակալվել են Ռուսաստանի երկու քաղաքացիներ, իսկ հինգը՝ քրեական պատասխանատվության են ենթարկվել։ Նրանց դեմ հարուցվել է քրեական գործ՝ ապօրինի ձեռնարկատիրական գործունեության և հանցավոր ճանապարհով ձեռք բերված գույքի օրինականացման մեղադրանքով։ Հուլիսի 1-ին ադրբեջանական լրատվամիջոցները հայտնել են «Ռուսաստանի քաղաքացիներից կազմված երկու հանցավոր խմբավորումների» ձերբակալման մասին։ Նույն օրը Ռուսաստանի և Ադրբեջանի դիվանագիտական ներկայացուցչությունները փոխանակվել են բողոքի նոտաներով։ Ռուսաստանի Արտաքին գործերի նախարարությունը նաև պահանջել է ազատ արձակել «Սպուտնիկ Ադրբեջանի» ձերբակալված աշխատակիցներ Իգոր Կարտավիխին և Եվգենի Բելոուսովին։
