Քաղաքական կուսակցությունները և հայտարարված ընտրական նպատակ ունեցող անձինք տեղական կամ արտասահմանյան կազմակերպությունների աջակցությամբ այլևս չեն կարողանա անցկացնել դասախոսություններ, սեմինարներ կամ այլ նմանատիպ հանրային միջոցառումներ։ «Քաղաքացիների քաղաքական միավորումների մասին» օրենքում փոփոխությունները «Վրացական երազանք» կուսակցության խորհրդարանը պատրաստվում է ընդունել արագացված կարգով։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 3 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 6 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
Ինչպես հայտարարել է «Վրացական երազանքի» պատգամավոր Իրակլի Կիրցխալիան, փոփոխություններն ուժի մեջ մտնելուց հետո արտասահմանյան և վրացական իրավաբանական անձինք այլևս չեն կարողանա ֆինանսավորել դասախոսությունների, սեմինարների կամ այլ նմանատիպ միջոցառումների անցկացումը՝ կուսակցական շահերի օգտին։
«Գործող օրենսդրությունը, թեև արգելում է քաղաքական կուսակցությանը նվիրատվություն ստանալ իրավաբանական անձից, սակայն օրենսդրական կարգավորումը թողնում է տարածք, որպեսզի Վրաստանում կամ Վրաստանի սահմաններից դուրս գրանցված իրավաբանական անձը մեր երկրի ներքին քաղաքականության մեջ միջամտությունը և ռադիկալ ընդդիմության՝ մեր երկրի դեմ ուղղված գործում աջակցությունն ու ֆինանսավորումը քողարկի դասախոսության, սեմինարի կամ այլ նմանատիպ հանրային միջոցառման անվճար կազմակերպման միջոցով, որի պարզ օրինակը հասարակությունը բազմիցս տեսել է թեկուզ 2024 թվականի խորհրդարանական ընտրությունների նախաշրջանում։ [...]
Բոլորս լավ ենք հիշում, հատկապես նախընտրական շրջանում, այսպես կոչված, սեմինարները, կին պատգամավորների ուղևորությունները տարբեր տարածաշրջաններ, որոնք ուղղակիորեն կուսակցական քարոզչության տեսք ունեին և քողարկված էին իբր սեմինարներով և ինչ-որ կրթական դիմակներով, նախաձեռնություններով։ Այս ամենը ծառայում է մեկ բանի՝ այն ապակառուցողական գործունեությանը, այն անհայրենիքների միավորմանը և գործակալական ցանցի այստեղ ոգեշնչմանը, որը գործում է կոլեկտիվ «Ազգային շարժման» տեսքով», - հայտարարել է Կիրցխալիան այսօր՝ ապրիլի 7-ին կայացած ճեպազրույցի ժամանակ։
Իրակլի Կիրցխալիան նշել է, որ եթե դասախոսությունների/սեմինարների անցկացման համար գումարը փոխանցվի կառավարության կամ կառավարության կողմից նշանակված անձի/մարմնի շրջանցմամբ, «անպայման կտուգանվի այդ անձը կամ, այսպես կոչված, հասարակական կազմակերպությունը»:
