Վրաստանի հանրային պաշտպանի պաշտոնի համար հայտարարված մրցույթին հայտ է ներկայացրել 19 թեկնածու։ «Ընթացակարգը բաց է, թափանցիկ, օբյեկտիվ և հիմա կսպասենք գնահատականներին։ Այժմ ընդդիմության հերթն է հնարավոր թեկնածուներից ընտրել առնվազն յոթ թեկնածուի, որոնք հետո կդառնան քննարկման առարկա»,- ասել է Վրաստանի խորհրդարանի նախագահ Շալվա Պապուաշվիլին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
Հանրային պաշտպանի պաշտոնը ցանկանում են զբաղեցնել հետևյալ թեկնածուները՝
- Անա Աբաշիձե - «Հասարակական կազմակերպություն - Գործընկերություն հանուն մարդու իրավունքների» կազմակերպության ղեկավար,
- Մարիկա Արևաձե - «Արևաձե, Գոնաշվիլի և գործընկերներ» փաստաբանական գրասենյակի իրավաբան,
- Գիորգի Բուրջանաձե - Վրաստանի հանրային պաշտպանի տեղակալ,
- Լելա Գափրինդաշվիլի - «Կանանց նախաձեռնություն հանուն հավասարության» հասարակական կազմակերպության ղեկավար,
- Սոփիո Դեմետրաշվիլի - «Վրաստանի տեխնիկական համալսարանի» իրավագիտության և միջազգային հարաբերությունների ֆակուլտետի դոցենտ,
- Թինաթին Էրկվանիա - «Վրաստանի հանրային կապերի ինստիտուտի իրավունքի և քաղաքականության դպրոցի» դոցենտ,
- Եվգենյա Թավաձե - ժամանակավոր գործազուրկ,
- Ալեքսանդր Կոբաիձե - «Երիտասարդ իրավապաշտպանների ասոցիացիա» ՀԿ նախագահ,
- Լևան Կոկորաշվիլի - Ղվարելիի շրջանի «Երիտասարդ իրավաբանների միության» խորհրդի նախագահ,
- Նուգզար Կոխրեիձե - «Սերունդների երկխոսության գիտական ինտելեկտուալ ակումբ» հասարակական կազմակերպության նախագահ,
- Գիորգի Մարիամիձե - «Քաղաքացիների պաշտպանության ինստիտուտ» հասարակական կազմակերպության տնօրեն,
- Սերգո Մախարաձե - «Վրաստանի մասնագիտական միությունների» իրավաբան,
- Մակա Մինդիաշվիլի - «Ժողովրդի ձայն» հասարակական կազմակերպության հիմնադիր,
- Ջեմալ Նաթելաշվիլի - «Վրաստանի փաստաբանների ասոցիացիայի» անդամ,
- Նիկոլոզ Նիկոլաձե - Վրաստանի դիվանագիտական ծառայության ռեզերվ;
- Քեթևան Չաչավա - «Զարգացման և ժողովրդավարության կենտրոն» հասարակական կազմակերպության գործադիր տնօրեն,
- Գիորգի Ցոբեխիա - «Գիորգի Ցոբեխիա և գործընկերներ» փաստաբանական գրասենյակի տնօրեն,
- Իագո Խվիչիա - Վրաստանի խորհրդարանի պատգամավոր,
- Նազի Ջանեզաշվիլի - «Վրաստանի դատարանի ժամապահ» հասարակական կազմակերպության տնօրեն:
Խորհրդարանի նախագահ Շալվա Պապուաշվիլիի խոսքով՝ այսօր՝ ժամը 13:00-ին, տեղի կունենա հանդիպում թեկնածուների գնահատող խմբի հետ։ Գնահատողների խումբը թեկնածուների գնահատականը կներկայացնի մինչև հոկտեմբերի 13-ը՝ կանոնակարգով սահմանված չափանիշներով և խորհրդարանի նախագահի հրամանով։
«Գնահատման 4 չափանիշ կա՝ հեղինակություն, անաչառություն, կրթություն և փորձ։ Մինչեւ հոկտեմբերի 13-ը նրանք կներկայացնեն իրենց գնահատականները, իսկ հետո քաղաքական խմբերը, խմբակցությունները եւ խորհրդարանի 7 հոգանոց խումբը մինչեւ հոկտեմբերի 21-ը հնարավորություն կունենան առաջադրել իրենց թեկնածուին։ Հաջորդ փուլ անցնելու համար պետք է առաջադրվի առնվազն 7 թեկնածու։ Մինչեւ անուններ նշելը մեծամասնության խմբակցությունը չի մասնակցի գործընթացին, և առնվազն 7 թեկնածուի անունից հետո նրանք կնշեն, թե ով կունենա իրենց աջակցությունը առաջադրված թեկնածուներից»,- ասել է Շալվա Պապուաշվիլին։
Գործող հանրային պաշտպան Նինո Լոմջարիայի լիազորությունների ժամկետը լրանում է 2022 թվականի դեկտեմբերի 8-ին։ Խորհրդարանը պետք է քվեարկի նոր հանրային պաշտպանի համար մինչև դեկտեմբերի 1-ը:
Հանրային պաշտպանի ընտրության համար անհրաժեշտ է առնվազն 90 պատգամավորի աջակցություն: «Վրացական երազանքը» խորհրդարանում ունի 84 ձայն:
