«Վրացական երազանքի» գործող նախագահ Իրակլի Կոբախիձեն կառաջադրվի վարչապետի պաշտոնում։ Այս մասին տեղեկություն է տարածում իշխանական «Իմեդի» հեռուստաընկերությունը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 5 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 6 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
«Իմեդի»-ի փոխանցմամբ՝ հունվարի 24-ին տեղի է ունեցել «Վրացական երազանքի» քաղխորհրդի նիստը, որտեղ որոշվել է, որ փետրվարի 1-ին կուսակցության համագումարում վարչապետի պաշտոնում առաջադրվելու է Իրակլի Կոբախիձեի թեկնածությունը։ Իր հրաժարականից հետո Իրակլի Ղարիբաշվիլին կզբաղեցնի «Վրացական երազանքի» նախագահի պաշտոնը։ Բացի այդ` Իրակլի Կոբախիձեն կլինի կուսակցության քաղաքական քարտուղարը։
Խորհրդարանի նախագահ Շալվա Պապուաշվիլին այսօր առավոտյան «շահարկում» է անվանել այն տեղեկությունը, որ վարչապետ Իրակլի Ղարիբաշվիլին մոտ օրերս կարող է լքել իր պաշտոնը։
«Ես չեմ կարող մեկնաբանել շահարկումները։ Նման շահարկումներ մենք բազմիցս ենք լսել։ Այս խոսակցությունները միայն հեռուստատեսությամբ են հնչում։ Ես ոչ մի տեղեկություն չունեմ»,- ասել է Պապուաշվիլին՝ ի պատասխան «Պիրվելի» հեռուստաընկերության հարցին։
Բիձինա Իվանիշվիլիի՝ քաղաքականություն վերադառնալուց և «Վրացական երազանքի» պատվավոր նախագահ նշանակվելուց հետո իշխող կուսակցությունը փոփոխություններ է կատարել իր կանոնադրության մեջ։ Նոր կանոնադրության համաձայն՝ քաղխորհուրդը «կուսակցության պատվավոր նախագահի առաջարկությամբ է հաստատում Վրաստանի վարչապետի թեկնածուին»։
