Ձնահյուսի վտանգի և ձյան պատճառով ավտոճանապարհներին գործում են սահմանափակումներ

Այս պահի դրությամբ [փետրվարի 26-ին, ժամը 11:30-ի դրությամբ]՝ ձյան ինտենսիվ տեղումների, մերկասառույցի, ձնահյուսի վտանգի և օդերևութաբանական բարդ պայմանների պատճառով ժամանակավորապես արգելված է բոլոր տեսակի տրանսպորտային միջոցների երթևեկությունը.

• Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում,
• Կոդա-Փարցխիսի-Մանգլիսի-Ծալկա-Նինոծմինդա ավտոճանապարհի կմ94-կմ110 հատվածում (Փարվանայի լեռնանցք),
• Քութայիսի (Մոծամեթա)-Տղիբուլի-Ամբրոլաուրի ավտոճանապարհի կմ44-կմ46 (Նաքերալա լեռնանցք) հատվածում,
• Նիչբիսի-Դիդգորի-Դիդի Թոնեթի ճանապարհի կմ2-կմ28 հատվածում,
• Զուգդիդի-Ջվարի-Մեստիա-Լասդիլի ավտոճանապարհի կմ185-կմ192 (Ուշգուլի-Լասդիլի) հատվածում,
• Քութայիսի (Ծղալտուբո շրջադարձ)-Ծղալտուբո-Ցագերի-Լենտեխի-Լասդիլի ավտոճանապարհի կմ125-կմ151 (Մելե-Լասդիլի) հատվածում։

Առատ ձյան և ցածր ջերմաստիճանի պատճառով արգելվում է կցորդների և կիսակցորդների տեղաշարժը․

• Թբիլիսի-Սենակի-Լեսելիձե ավտոճանապարհի կմ42-կմ180 հատվածում (Աղաիանիի տրանսպորտային հանգույց - Զեստափոնի տրանսպորտային հանգույց),
• Գոմի-Սաչխերե-Ճիատուրա-Զեստափոնի ճանապարհին,
• Սամտրեդիա-Լանչխութի-Գրիգոլեթի ճանապարհին,
• Սենակի-Փոթի (Ասաքցևի)-Սարփի ավտոճանապարհի կմ48-կմ119 (Գրիգոլեթի-Սարփի) հատվածում,
• Խաշուրի-Ախալցիխե-Վալե ճանապարհին,
• Ախալքալաք-Կարծախ ճանապարհին,
• Սաչխերե (Սարեկի)-Ուզունտա-Շքմեր-Զուդալի ճանապարհին,
• Զուգդիդի-Ջվարի-Մեստիա-Լասդիլի ավտոճանապարհի կմ30-կմ184 (Ջվարի-Ուշգուլի) հատվածում։

Ձյան առատ տեղումների պատճառով միայն արտաճանապարհային մեքենաներով երթևեկել թույլատրվում է․

• Քութայիսի (Ծղալտուբո շրջադարձ)-Ծղալտուբո-Ցագերի-Լենտեխի-Լասդիլի ավտոճանապարհի կմ88-կմ124 (Լենտեխի-Մելե) հատվածում,
• Բաթումի (Անգիսա)-Ախալցիխե ավտոճանապարհի կմ86-կմ106 հատվածում (գ. Պակսաձեեբի-հանգստավայր Գոդերձի);
• Ձիրուլա-Խարագաուլի-Մոլիթի-Փոնա-Չումաթելեթի և Զեստափոնի-Կիցխի-Խարագաուլի ճանապարհներին, որտեղ թեթև մեքենաների տեղաշարժը թույլատրվում է միայն հակասողանքային շղթաներով:

Ճանապարհների դեպարտամենտից հայտնում են, որ առատ ձյունը հանրապետությունում շարունակվում է և քաղաքացիներին հորդորում է զերծ մնալ երթևեկելուց՝ բացառապես խիստ անհրաժեշտության դեպքերի, երթևեկել սեզոնին համապատասխան անվադողերով և պահպանել երթևեկության կանոնները։