Վրաստանում գործող շուրջ 80 ոչ կառավարական կազմակերպություններ կարծում են, որ այսօր՝ հունիսի 17-ին, կարճ ժամանակահատվածում իրականացված երեք հարձակումները նախապես ծրագրված ու կազմակերպված էին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Հասարակական կազմակերպությունները համատեղ հայտարարությամբ արձագանքել են «Գիրչի՝ ավելի շատ ազատություն» կուսակցության առաջնորդ Զուրա Ջափարիձեի և Բորջոմիում երիտասարդական ճամբարի մասնակիցների վրա հարձակմանը, ինչպես նաև Թբիլիսիի պետական համալսարանում ուսանողների ծեծին։
«Բորջոմիում մանկական ճամբարի մասնակիցների ու շարքային հանգստացողների վրա հարձակվել են մի քանի տասնյակ հանցագործներ։ Նրանք քարեր, կարմիր ներկեր են շփել, հայհոյել և միջամտել «Գիրչի՝ ավելի շատ ազատության» և «Անհատական ազատության ինստիտուտի» կազմակերպած ճամբարին։ Հանցագործներից մեկը նաև իր սեռական օրգաններն է ցույց տվել հյուրանոցում գտնվող երիտասարդներին ու անչափահասներին։ Ականատեսների վկայությամբ՝ ՆԳՆ-ն առնվազն 40 րոպե առանց արձագանքման է թողել բռնությունը։ Նրանք հարձակվել են «Գիրչի՝ ավելի շատ ազատություն» կուսակցության նախագահ Զուրաբ Գիրչի Ջափարիձեի վրա, ով գնում էր Բորջոմիի նույն ճամբարում դասախոսություն կարդալու։
Այսօր նաև Թբիլիսիի պետական համալսարանում ֆիզիկական բռնության են ենթարկվել իշխող կուսակցության նախագահ Իրակլի Կոբախիձեի լսարանների մոտ խաղաղ կանգնած ուսանողները, ովքեր բողոքել են կուսակցության ռուսամետ քաղաքականության դեմ։
Կարճ ժամանակահատվածում իրականացված երեք հարձակումները հստակորեն նախապես ծրագրված ու կազմակերպված են։ Այս հանցավոր գործողությունները հակասում են վրացական արժեքներին՝ հանդուրժողականությանը և խաղաղությանը։ Երիտասարդների և երեխաների վրա հարձակումը ոչ միայն խախտում է օրենքը, այլև անհամատեղելի է վրացական հասարակության արժեքների հետ։
Ընդդիմադիր քաղաքական գործիչների և բնակչության հետապնդումները Ռուսաստանի պուտինյան ռեժիմի ձեռագիրն են։ Հենց օկուպանտ պետությունն է հետապնդում հակառակորդներին և բռնությամբ խեղդում խոսքի և արտահայտվելու ազատությունը։
«Անչափահասների վրա հարձակումը խայտառակ արարք է, որին դիմում են միայն թույլ ու վախեցած մարդիկ, ինչը լիովին հակասում է վրացական հասարակության մեջ հաստատված ավանդույթներին»,- նշում են հասարակական կազմակերպությունները։
Նրանք կոչ են անում իրավապահ մարմիններին անհապաղ կանխել ատելության հողի վրա կատարված հանցագործությունները և պատժել մեղավորներին օրենքի ողջ խստությամբ։
Այս պահին 79 հասարակական կազմակերպություններ ստորագրել են հայտարարության տակ, որոնցից են՝ Տեղեկատվության ազատության զարգացման ինստիտուտը, Թրանսփարենսի Ինթերնեշնլ – Վրաստանը, Արդար ընտրությունների և ժողովրդավարության միջազգային հասարակությունը, Քաղաքացիական ներգրավվածության և հավասարության կենտրոնը, Վրաստանի դեմոկրատական նախաձեռնությունը, Սոցիալական արդարության կենտրոնը և այլն։
