Վրաստանում պիրոտեխնիկայի ներկրման և վաճառքի հարցը կկարգավորվի նոր ձևով: Ոչ լեգիտիմ խորհրդարանի նախագահ Շալվա Պապուաշվիլին հայտարարել է այս ուղղությամբ օրենսդրական փոփոխությունների մասին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Այս շաբաթ մենք կքննարկենք պիրոտեխնիկայի կարգավորման, դրա ներմուծման և վաճառքի հարցերը, որոնք երկար ժամանակ քննարկվել են, այդ թվում՝ նախորդ գումարման խորհրդարանում, և այս իրադարձությունները ցույց տվեցին, թե որքան կարևոր է այս ոլորտի կարգավորումը։ Ի դեպ, այս մասին անցյալ տարիներին խոսում էին թռչունների կամ կենդանիների համար անհանգստացած մարդիկ։ Հիշեք, որ Ամանորին մեզ հորդորում էին չօգտագործել պիրոտեխնիկա թռչուններին պաշտպանելու համար։
Այս իրադարձությունները մեզ ցույց տվեցին նաև, որ կարևոր է արագ գործել ինչպես պիրոտեխնիկայի կարգավորման, այնպես էլ հանրային հավաքների ժամանակ դիմակավորումը արգելելու հարցում»,- ասել է Պապուաշվիլին այսօրվա ճեպազրույցում։
Վերջին մի քանի օրվա ընթացքում ոստիկանական ուժերը մի քանի անգամ ջրցան մեքենաների և արցունքաբեր գազի միջոցով ցրել են խաղաղ ցույցերը, իսկ ցուցարարները հրավառության նյութեր են օգտագործել հատուկ նշանակության ջոկատի ուղղությամբ, ինչը Շալվա Պապուաշվիլին գնահատել է որպես պիրոտեխնիկայով հարձակում։
«Երբ դու ուղղակիորեն հրետանային կրակ ես բացում ոստիկանի վրա, որին մենք ականատես եղանք ուղիղ եթերով խորհրդարանի հետևում, դա, իհարկե, կապ չունի Եվրոպայի, անկեղծության, վրացականության, ընդհանրապես մարդկային արժեքների հետ»,- ասել է Պապուաշվիլին։
Թբիլիսիում նոյեմբերի 28-ից մինչ օրս քաղաքացիները բողոքում են «Վրացական երազանքի» որոշման դեմ, ըստ որի՝ Վրաստանը Եվրամիության հետ բանակցություններ սկսելու հարցը օրակարգ չի մտցնի մինչև 2028 թվականի վերջը։
