Սեպտեմբերի 14-ից Կատարի ՆԳՆ-ը ճանաչել է Վրաստանում տրված վարորդական իրավունքի վկայականները։ Վրաստանի քաղաքացիները, որոնք ունեն Կատարում կացության իրավունք, կկարողանան փոխել Վրաստանի վարորդական իրավունքը և ստանալ համապատասխան կարգի Կատարի վարորդական իրավունք՝ առանց լրացուցիչ թեստավորման կամ պարտադիր ուսումնական կուրսի:
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Ինչ վերաբերում է Կատարում զբոսաշրջության նպատակով գտնվող Վրաստանի քաղաքացիների կողմից Վրաստանում տրված վարորդական իրավունքի օգտագործմանը, ապա Վրաստանում տրված վարորդական իրավունքի սեփականատերը պետք է ունենա նաև երկրի համապատասխան գործակալության կողմից տրված այսպես կոչված միջազգային վարորդական իրավունքի վկայական, որը նա կկարողանա օգտագործել Կատար ժամանելուց հետո 3 ամսվա ընթացքում։
Հետաքրքրված քաղաքացիները պետք է դիմեն Կատարի ճանապարհային վարչության կենտրոնական գրասենյակ՝ վարորդական իրավունքը փոխելու համար։
Վրաստանի և Կատարի միջև դիվանագիտական հարաբերությունները հաստատվել են 1993 թվականի մարտի 16-ին։ Վրաստանի կառավարության որոշմամբ՝ 2012 թվականի նոյեմբերի 1-ին Կատարում բացվել է Վրաստանի դեսպանությունը, իսկ 2013 թվականի օգոստոսին՝ Վրաստանում Կատարի դեսպանատունը։ 2018 թվականին Վրաստանի և Կատարի կառավարությունների միջև ստորագրվել է զբոսաշրջության ոլորտում համագործակցության փոխըմբռնման հուշագիր։
Որպես զբոսաշրջային ուղղություն՝ Վրաստանը հատկապես հայտնի է Կատարում։ Դրան նպաստում է առանց վիզայի ռեժիմը և Դոհայի և Թբիլիսիի միջև ամենօրյա ուղիղ չվերթները։
