Լրահոս

«Լելոն» պահանջում է իշխանությունից սահմանափակող միջոցներ ձեռնարկել Ռուսաստանի քաղաքացիների և Ուկրաինայի դեմ ռազմական ագրեսիայի մեջ ներգրավված այլ երկրների քաղաքացիների համար։

1. Գործի դնել ժամանակավոր վիզային ռեժիմ,

2. Հնարավորինս սահմանափակել և վերահսկել հողի և այլ անշարժ գույքի ձեռքբերման, Վրաստանում բնակության իրավունքի տրամադրման հարցերը,

3. Հնարավորինս սահմանափակել և վերահսկել բիզնեսի գրանցման գործընթացը։

Կոբախիձեի խոսքով՝ Վրաստանում այլատյացության համար տեղ չկա։

«Ինչ վերաբերում է զբոսաշրջությանը, ապա տուրիզմը մեր երկրի հիմնական ուղղություններից մեկն է և այս առումով էլ բազմաթիվ ապատեղեկատվություն է տարածվում։ Մասնավորապես, օրինակ, հեռուստաընկերություններից մեկը հայտարարեց, որ այսօր Վրաստանում ռուս զբոսաշրջիկների թիվը կազմում է Վրաստանի բնակչության 10%-ը, ինչը կատարյալ սուտ է։ Իրականում նույնիսկ 1 տոկոս չի կազմում։

Ընդհանուր առմամբ, Վրաստան 242 հազար մարդ է մուտք գործել, այդ թվում՝ արդեն մեկնածները։ Սա այլատյաց արշավ է, որը հիմնված է ամբողջությամբ ստի վրա։

Նախկին կառավարությունը օգոստոսյան պատերազմից հետո առանց վիզայի ռեժիմ ընդունեց ՌԴ քաղաքացիների համար, իսկ այսօր նույն մարդիկ մեզ հորդորում են այստեղ կիրառենք սահմանափակումներ, պատժամիջոցներ և այլն։ Դա սովորական այլատյացություն է, և իհարկե, մենք խիստ արձագանք կունենանք այս այլատյացությանը»,- ասել է Իրակլի Կոբախիձեն։

«Թրանսփարենսի Ինթերնեյշնլ - Վրաստանը» օգոստոսի 3-ին հրապարակել է հետազոտություն, ըստ որի՝ 2022 թվականի հունվար-հունիսին Ռուսաստանից Վրաստան է մուտք գործել 247 հազար այցելու։ 2019 թվականի հունվար-հունիսի համեմատ Ռուսաստանից այցելուների թիվը 3 անգամ պակաս է։ Նույն հետազոտության համաձայն՝ հունվար-հունիսին Վրաստանում գրանցվել է 6419 ռուսական ընկերություն, ինչը 7 անգամ ավել է 2021 թվականի տարեկան ցուցանիշից։