Լեռնային շրջաններում ճանապարհային սահմանափակումներ են գործում

Ձյան առատ տեղումների պատճառով Չխակաուրա-Բախմարո ավտոճանապարհի 19 կիլոմետրանոց հատվածում արգելվում է բոլոր տեսակի տրանսպորտային միջոցների երթևեկությունը։ Նույն պատճառով Օզուրգեթի-Շեկադինի-Բժուզեզի-Գոմիսմթա ավտոճանապարհի 13-րդ կիլոմետրից մինչև 33-րդ կիլոմետրը ներառյալ արգելված է բոլոր տեսակի ավտոմեքենաների երթևեկությունը։

Ձյան պատճառով Զուգդիդի-Ջվարի-Մեստիա-Լասդիլի ավտոճանապարհի Ուշգուլի-Լասդիլի հատվածում արգելվում է բոլոր տեսակի ավտոմեքենաների երթևեկությունը, Մեստիա-Ուշգուլի հատվածում արգելվում է կցորդներով, կիսակցորդներով և 30-ից ավելի նստատեղ ունեցող ավտոբուսների տեղաշարժը: Այլ տեսակի ավտոտրանսպորտային միջոցների տեղաշարժն ազատ է։

Շրջակա միջավայրի ազգային գործակալության տեղեկատվության համաձայն՝ նոյեմբերի 20-ից նոյեմբերի 22-ը Վրաստանում սպասվում է անձրև, բարձր լեռնային շրջաններում՝ ձյուն, տեղ-տեղ հնարավոր է ուժեղ բուք, հնարավոր է ձնահյուսեր, արևմտյան ուղղությամբ քամու ուժգնացում, ծովում 4-5 բալանոց փոթորիկ։

Գործակալությունը բնակչությանը զգուշացնում է, որ Վրաստանում սպասվող տեղումները կարող են գետերում ջրի մակարդակի զգալի բարձրացում առաջացնել, իսկ լեռնային շրջաններում՝ սողանքներ և սելավներ։

Սպասվող առատ ձյան, ձնահյուսի վտանգի, լեռնային և բարձր լեռնային շրջաններում բքի և տեսանելիության վատթարացման պատճառով ավտոճանապարհների առանձին հատվածներում հնարավոր է սահմանափակվի երթևեկությունը։