Ֆրանսիայի նախագահ Էմանուել Մակրոնը, ով հոկտեմբերի 3-ին հանդիպել է Վրաստանի նախագահ Սալոմե Զուրաբիշվիլիին, հույս է հայտնել, որ հոկտեմբերի 26-ին կայանալիք խորհրդարանական ընտրությունները երկրին թույլ կտան վերադառնալ եվրոպական ուղի։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 3 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 4 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 5 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
«Հարգելի Սալոմե, ուրախ եմ ձեզ հյուրընկալելու Փարիզում։ Ֆրանսիան ողջունում է վրաց ժողովրդի եվրոպական և ժողովրդավարական ձգտումները։ Նա հույս ունի, որ հոկտեմբերի 26-ին կայանալիք ընտրությունները Վրաստանին թույլ կտան վերադառնալ եվրոպական ուղի»,- ասվում է հանդիպումից հետո Մակրոնի տարածած հայտարարության մեջ։
Նախագահների հանդիպման մասին տեղեկություն է հրապարակել նաև Ելիսեյան պալատը։ Հայտարարության համաձայն՝ Էմանուել Մակրոնը ողջունել է վրաց ժողովրդի եվրոպական և ժողովրդավարական նկրտումները։ Բացի այդ, նա նշել է վերջին ամիսներին Վրաստանում տեղի ունեցած բացասական իրադարձությունները և կենտրոնացել առաջիկա ընտրությունների վրա։
«Նա ափսոսանք հայտնեց այն օրենքների ընդունման համար, որոնք երկիրը շեղեցին եվրոպական ուղեծրից և, ինչպես հաստատեց Եվրոպական խորհուրդը անցած հունիսին, անդամակցության գործընթացի փաստացի դադարեցում առաջացրեցին։
Հանրապետության Նախագահն ընդգծել է, որ Ֆրանսիան եվրոպացի գործընկերների հետ ուշադրությամբ հետևելու է այն պայմաններին, որոնցում կանցկացվի 2024 թվականի հոկտեմբերի 26-ի նախընտրական քարոզարշավը և օրենսդրական ընտրությունները։
Նա հույս է հայտնել, որ այս ընտրությունները կանցնեն միջազգային չափանիշներին համապատասխան և թույլ կտան Վրաստանին վերադառնալ եվրոպական ուղի։
Հանրապետության նախագահը ևս մեկ անգամ հաստատել է Ֆրանսիայի անսասան աջակցությունը Վրաստանի ինքնիշխանությանը և տարածքային ամբողջականությանը նրա միջազգայնորեն ճանաչված սահմաններում»,- ասված է Ելիսեյան պալատի հայտարարության մեջ։
Մակրոնի հետ հանդիպումից առաջ Սալոմե Զուրաբիշվիլին գտնվել է Լեհաստանում, որտեղ մասնակցել է «Վարշավայի անվտանգության ֆորումին» և հանդիպել նախագահ Անջեյ Դուդայի հետ։ Վրաստանի նախագահը հանդիպումներ է ունեցել նաև Գերմանիայի նախագահ Ֆրանկ-Վալտեր Շտայնմայերի, Եվրահանձնաժողովի նախագահ Ուրսուլա ֆոն դեր Լեյենի և Եվրոպական խորհրդի նախագահ Շառլ Միշելի հետ։
Վրաստանի վարչապետ Իրակլի Կոբախիձեն ասել է, որ Սալոմե Զուրաբիշվիլին գտնվում է արտերկրում առանց կառավարության համաձայնության և դրանով իսկ խախտում է երկրի սահմանադրությունը, և եվրոպացի այն քաղաքական առաջնորդները, ովքեր հանդիպում են նրան, «կոպիտ անհարգալից վերաբերմունք» են ցուցաբերում Վրաստանի սահմանադրական կարգի նկատմամբ։