2024 թվականի մայիսին Վրաստան ուղարկված դրամական փոխանցումների հոսքերի ծավալը կազմել է 284․3 մլն ԱՄՆ դոլար (772․3 մլն լարի), ինչը 27․1%-ով (105․9 մլն ԱՄՆ դոլար) պակաս է 2023 թվականի մայիսի համանման ցուցանիշից։

Լրահոս

Ընթերցողի ընտրանի

Ազգային բանկի տվյալներով՝ դրամական փոխանցումների քանակով առաջին տեղում է Իտալիան, որտեղից անցած ամիս փոխանցվել է 48․12 մլն դոլար։ Դա կազմում է փոխանցումների ընդհանուր ծավալի 16․93%-ը։ Նախորդ տարվա մայիսի համեմատ Իտալիայից փոխանցված դրամական միջոցներն աճել են 7․74%-ով։

Տրանսֆերտների վիճակագրությամբ Ռուսաստանն անցել է երկրորդ տեղ։ Ռուսաստանից ստացվել է 48․11 մլն դոլար կամ տրանսֆերտների ընդհանուր ծավալի 16․92%-ը, ինչը 69․50%-ով պակաս է 2023 թվականի մայիսի համեմատ։ Ուկրաինայում պատերազմի սկսվելուց և ՌԴ քաղաքացիների՝ երկիր զանգվածային մուտք գործելուց հետո, փոխանցումների քանակով առաջատարը Ռուսաստանն էր։ Պիկը գրանցվել է 2022 թվականի դեկտեմբերին՝ մեկ ամսում փոխանցվել է 317․3 մլն դոլար։

Երրորդ տեղում Ամերիկայի Միացյալ Նահանգներն է, որտեղից մայիսին փոխանցվել է 47․22 մլն դոլար։ Սա տրանսֆերտների ընդհանուր ծավալի 16․61%-ն է և 22․10%-ով ավելի է նախորդ տարվա մայիսի փոխանցումներից։

Երկրներ, որտեղից ամենաշատ գումարն է փոխանցվել մայիսին.

  • Իտալիա – 48․12 մլն դոլար
  • Ռուսաստան – 48․11 մլն դոլար
  • ԱՄՆ – 47․22 մլն դոլար
  • Հունաստան - 22 մլն դոլար
  • Իսրայել – 21․78 մլն դոլար
  • Գերմանիա – 21․73 մլն դոլար
  • Ղազախստան – 11․34 մլն դոլար
  • Թուրքիա – 8․63 մլն դոլար
  • Իսպանիա – 5․64 մլն դոլար
  • Իռլանդիա – 5․32 մլն դոլար
  • Ֆրանսիա – 4․9 մլն դոլար
  • Ղրղզստան – 4․72 մլն դոլար
  • Ադրբեջան – 4․03 մլն դոլար
  • Միացյալ Թագավորություն – 3․66 մլն դոլար
  • Լեհաստան – 3․02 մլն դոլար
  • Կանադա – 23 մլն դոլար

Մայիսին Վրաստանից արտերկիր է ուղարկվել 30.1 մլն դոլար (81.9 մլն լարի), ինչը 3.5 տոկոսով պակաս է 2023 թվականի մայիսի համանման ցուցանիշից (31.2 մլն ԱՄՆ դոլար)։

Վրաստանի լուրեր
Վրաստանի լուրեր
Անկախ, հասարակական-քաղաքական առցանց հրատարակություն: Կայքը ղեկավարում է Տեղեկատվական ռեսուրսների ցանցը (IRN):