Ընթացիկ բողոքի ակցիաների ֆոնին «Վրացական երազանքի» կառավարությունն ընդունել է բանաձև, որով ռազմավարական և/կամ հատուկ նշանակության օբյեկտների ցանկում են ներառվել միջազգային ճանապարհները: Ըստ այդմ՝ դրանց արգելափակումը կհամարվի քրեական հանցագործություն։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ Կոնգրեսում կրկին ներկայացվել է երկկուսակցական «MEGOBARI Act»-ը
Իրակլի Կոբախիձեն բանաձևը ստորագրել է հունվարի 31-ին։ Կանոնակարգն ուժի մեջ է մտել նույն օրը։
Միջազգային նշանակության ճանապարհները ներառում են, օրինակ՝ Թբիլիսի մուտքի ճանապարհը, Թբիլիսի-Սենակի-Լեսելիձե և Մցխեթա-Ստեփանծմինդա-Լարս ճանապարհները:
Վրաստանի Քրեական օրենսգրքի համաձայն՝ ռազմավարական կամ հատուկ նշանակության օբյեկտի առգրավումը կամ արգելափակումը, որը խոչընդոտել է կամ կարող էր խոչընդոտել դրա բնականոն գործունեությունը, պատժվում է տուգանքով կամ ուղղիչ աշխատանքով՝ առավելագույնը մեկ տարի ժամկետով, կամ ազատազրկմամբ՝ առավելագույնը երկու տարի ժամկետով:
Նույն արարքը, որը կատարվել է խմբով կամ բազմիցս՝ պատժվում է ազատազրկմամբ՝ առավելագույնը երկու տարի ժամկետով, կամ երկուսից չորս տարի ժամկետով։
«Պարզ ասած, իշխանությունը քրեականացրել է ավտոճանապարհներին հավաքներն ու ցույցերը։
Մենք՝ իրավապաշտպաններս, արդեն գիտեինք, որ կառավարությունն անպայման այս փոփոխություններն է անելու բանաձևում։ Ավելին, հաշվի առնելով «Վրացական երազանքի» հակաժողովրդավարական մտադրությունները, զարմանալի է, որ այս գործողությունը նախկինում քրեականացված չէր»,- ասում է Սոցիալական արդարության կենտրոնի իրավաբան Գուրամ Իմնաձեն։
Նա ասել է, որ այս փոփոխությունները ցույց են տալիս, որ իշխանությունը վախենում է բողոքի ցույցերից և ակտիվիստական խմբերից, և այդ վախի պատճառով պատրաստ է օրինականացնել ավտորիտարիզմի բոլոր նշանները։
