Նախատեսվում է իշխանության ներկայացուցիչների մասին կեղծ ձայնագրություններ տարածել․ ՊԱԾ

«Ստացված տեղեկության համաձայն՝ քաղաքական շրջանակներին առնչվող խմբերը Վրաստանում առաջիկա խորհրդարանական ընտրություններին նախորդող օրերին ծրագրում են տարածել արհեստական ​​բանակության և այլ ժամանակակից տեխնոլոգիաների միջոցով մոնտաժված կեղծ տեսանյութեր և ձայնագրություններ»,- ասված է ՊԱԾ-ի հայտարարության մեջ։

Գերատեսչության տվյալներով՝ կեղծ ձայնագրությունները հանրությանը կներկայացվեն որպես Պետական ​​անվտանգության ծառայությունից արտահոսած տեղեկություն, և դրանում կօգտագործվեն իշխանության ներկայացուցիչների ձայներն ու տեսագրությունները։

«Վերոնշյալ կեղծ տեղեկության տարածման նպատակը իշխանության թևերի միջև կոնֆլիկտ առաջացնելն է, ինչպես նաև իշխանության և Ուղղափառ եկեղեցու միջև ատելություն սերմանելը և իշխանության և արևմտյան գործընկերների միջև հարաբերությունների վատթարացումը։

Կեղծիքի արդյունքում ձեռք բերված տեղեկատվական նյութերը տարածողները, իրենց ստեղծած կեղծ ձայնագրությունները հանրությանը ներկայացնելու են որպես Պետական ​​անվտանգության ծառայությունից արտահոսած տեղեկություն և ենթադրում են, որ այս գործողությամբ մի կողմից կվարկաբեկեն գերատեսչությանը և մյուս կողմից դիսոնանս կստեղծեն կառավարության ճյուղերի միջև։

Նշված սադրանքի հիմնական նպատակն է արհեստականորեն բողոքի լիցք ստեղծելն ու ակտիվացնելը, երկրում ապակայունացման օջախներ ստեղծելը, որոնք, ի վերջո, կօգտագործվեն քաղաքական նպատակներով։

«Մենք ուշադիր հետևում ենք նշված խմբերի գործունեությանը և օրենքի ցանկացած խախտման դեպքում օրենքով սահմանված կարգով կձեռնարկվեն համապատասխան միջոցներ»,- ասել են ՊԱԾ-ից։

Պետական ​​անվտանգության ծառայությունը չի հստակեցնում, թե որ քաղաքական շրջանակների հետ առնչվող խմբերն են նախապատրաստում «սադրանքը»։