«Գախարիա հանուն Վրաստանի» կուսակցությունը Կենտրոնական ընտրական հանձնաժողովից պահանջում է իրենց փոխանցել ձայների հաշվարկման էլեկտրոնային համակարգի Smartmatic ընկերության հետ կնքված պայմանագիրը։ Բացի այդ, ընդդիմադիր կուսակցությունը դիմում է ԿԸՀ-ին, որպեսզի ընտրողներին հնարավորություն տրվի անձամբ ստուգել իրենց ընտրություններին մասնակցողների ցուցակում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«ԿԸՀ-ն Վրաստանի քաղաքացիներին օգնելու և երկիրը ճգնաժամից դուրս բերելու փոխարեն հերթական անգամ սադրանք կազմակերպեց, դուրս եկավ և նախազգուշական հայտարարությամբ հանդես եկավ, ինչը ոչ մի կերպ չի համապատասխանում իրականությանը։ Այսօր ԿԸՀ-ին խնդրեցինք մեզ հանձնել Smartmatic-ի հետ կնքված պայմանագիրը և այն բոլոր փոփոխությունները, որոնք կատարվել են այս պայմանագրում, որպեսզի այն հրապարակային դառնա։ Սա շատ կարևոր է։ Բացի այդ,
այսօր մենք պահանջել ենք, որ 2024 թվականի հոկտեմբերի 26-ին ընտրություններին մասնակցող 2 076 791 ընտրողների ամբողջական բազան տեղափոխվի չեզոք, օբյեկտիվ հարթակ, որտեղ յուրաքանչյուր ընտրող կկարողանա անհատապես ճշտել հետևյալ տվյալները՝ մասնակցե՞լ է ընտրություններին, ո՞ր տեղամասում և ո՞ր ժամին է քվեարկել։
Այսօր ԿԸՀ-ն դուրս եկավ և ասաց, որ սա ինչ-որ կերպ խախտում է անձնական տվյալները կամ օրենքը։ ԿԸՀ-ին ևս մեկ անգամ հիշեցնում եմ, որ ոչ ոք չի խնդրում, որ բազաները հրապարակվեն։ Խոսքը ընտրողի կողմից քվեարկության փաստի հաստատման ու պաշտպանության մասին է»,- ասել է Գախարիան։
Նրա խոսքով, ԿԸՀ-ի կայքում արդեն կա տեղեկատվական բազա, որտեղ ընտրողը կարող է ստուգել, թե որ տեղամասում է գրանցված։ «Այս տեղեկատվությանը խնդրում ենք ավելացնել իմ թվարկած ռեկվիզիտները՝ մասնակցել է ընտրություններին, որ տեղամասում է մասնակցել և որ ժամին է քվեարկել։ Այս ամբողջ տեղեկատվությունը ԿԸՀ-ի տրամադրության տակ է»,- նշել է Գախարիան և պարզաբանել, թե ինչու են պահանջում Smartmatic-ի հետ կնքված պայմանագիրը. «Այս տեղեկությունն այսօր կա։ Մենք չգիտենք, թե ինչպես է կնքվում պայմանագիրը Smartmatic-ի հետ և որքան ժամանակ կպահվի այս տեղեկատվությունը, քանի որ այն կարող է մեզ անհասանելի դառնալ մեկ շաբաթից, 10 օրից կամ մեկ ամսից։ Թող հրապարակեն պայմանագիրը՝ բոլոր փոփոխություններով և որքան հնարավոր է արագ»։
«Միասնություն-Ազգային շարժումը» նույնպես դիմել է ԿԸՀ՝ անմիջապես արդիականացնել կայքը և ստեղծել ընտրություններին մասնակցող ընտրողների տվյալների բազա, որպեսզի քաղաքացիները կարողանան ինքնուրույն ստուգել իրենց ընտրություններին մասնակցող ընտրողների ցուցակում։
ԿԸՀ-ն մերժել է ընդդիմադիր կուսակցությունների այս խնդրանքը։ Ինչպես այսօրվա ճեպազրույցում է ասել գերատեսչության մամուլի խոսնակ Նաթիա Իոսելիանին, «նման տվյալների բազայի ստեղծումը պարունակում է անձնական տվյալների բացահայտման ռիսկեր, ինչը հակասում է ընտրությունների ճանաչված հիմնարար սկզբունքներից մեկին և լավ միջազգային փորձին»։
