Ոչ պաշտոնական տվյալներով՝ արտասահմանում ապրում է ավելի քան 1,5 միլիոն վրացի

«Ինչո՞ւ ոչ պաշտոնական. ինչպես գիտեք, նրանց ճնշող մեծամասնությունը գտնվում է իրենց բնակության երկրներում՝ առանց իրավական կարգավիճակի։ Չնայած մեր բազմաթիվ ջանքերին՝ ապահովելու, որ նրանք հնարավորինս շատ գրանցվեն հյուպատոսական հիմնարկներում, այդ թիվը դեռ չի համապատասխանում իրականությանը, և մեր հայրենակիցների միայն որոշակի մասն է ճշգրիտ գրանցված ըստ երկրի և հասցեի»,- ասել է Կոնստանտինիդին «Վրացական երազանքի» Սփյուռքի և Կովկասի հարցերով խորհրդարանական հանձնաժողովի նիստում։

Ամենաշատ վրացիները՝ 500-700 հազար, ապրում են Ռուսաստանի Դաշնությունում։ Երկրորդ տեղում Հունաստանն է՝ մոտավորապես 200 հազար հայրենակիցներով, երրորդում՝ ԱՄՆ-ը։ Ինչպես նշել է Վլադիմիր Կոնստանտինիդիսը, ոչ վաղ անցյալում ԱՄՆ-ն անգամ առաջին հնգյակում չէր, սակայն այսօր այնտեղ ապրում է Վրաստանի մոտ 120 հազար քաղաքացի։

Կոնստանտինիդիսի խոսքով՝ մնացած երկրներում հայրենակիցների թիվը կտրուկ չի փոխվել և հետևյալն է.

• Իտալիա – 50 000
• Գերմանիա – 50 000
• Թուրքիա – 45 000 (պատմական սփյուռքը մինչև 1,5 միլիոն)
• Ֆրանսիա – 35 000
• Իսպանիա – 25 000
• Բելգիա – 20 000
• Իսրայել – 20 000
• Մեծ Բրիտանիա – 10 000

«Գործնականում խոսքը սփյուռքի մի քանի ալիքների մասին է։ Մենք բերել ենք արտերկիր մեկնածների թիվը 1990-ականների սկզբից առ այսօր»,- պարզաբանել է Կոնստանտինիդին։

Ինչպես նա է հայտարարե, ԱԳ նախարարության Սփյուռքի վարչությունում ստեղծվել է հատուկ «ստորաբաժանում», որը «գործնականում շարունակաբար դիտարկում է» սփյուռքի տրամադրությունները սոցիալական ցանցերում։

«Ես կարող եմ ձեզ գործնական օրինակ բերել, թե ինչու է սա այդքան կարևոր: Երկրում շատ ակտիվ գործընթացներ են ընթանում, երբեմն գործ ունենք բավականին բարդ գործընթացների հետ, որոնք արտացոլվում են նաև սփյուռքում։ Ցավոք սրտի, որոշակի արմատական ​​խմբավորումների կողմից որոշակի աժիոտաժ և ներգրավվածություն ստեղծելու հաճախակի փորձեր կան երկրից դուրս։ Ես դա պայմանականորեն կանվանեի լարվածության ստեղծում: Իհարկե, մենք հետևում ենք այդ խմբերին։ Այս մոնիտորինգը հատկապես կարևոր է, երբ բարձրաստիճան պաշտոնյաների, վարչապետների, նախարարների, խորհրդարանականների այցելություններ են լինում երկրներ, քանի որ այնտեղ նախօրոք որոշակի գործողություններ են նկատվում, և պետության կողմից որոշակի կանխարգելում միշտ անհրաժեշտ է»,- ասել է Վլադիմիր Կոնստանտինիդին։

Նրա խոսքով՝ 2024 թվականի հոկտեմբերի դրությամբ 38 երկրներում գործում են վրացական սփյուռքի միություններ՝ տարբեր իրավական ձևերով, որոնց գործունեության նպատակն է պահպանել և հանրահռչակել վրաց լեզուն, մշակույթը և ավանդույթները։ Դրանց թվում են 115 վրացական կիրակնօրյա դպրոցներ և վրացերենի դասընթացներ, և 117 վրացական պարի և երգի համույթներ/պարի ուսումնասիրության շրջանակներ։ Բացի այդ, Վրաստանի պատրիարքարանի որոշմամբ արտերկրում ստեղծվել է 7 թեմ, որոնք ներառում են 94 ծխական համայնքներ։