Հարավային Օսիայի դե ֆակտո Հանրապետության խորհրդարանի նախագահ է ընտրվել դե ֆակտո նախագահ Ալան Գագլոևի «Նիխաս» կուսակցության անդամ Ալան Ալբորովը։ Նա փոխարինել է Ալան Թադտաևին, ով հրաժարական էր տվել իր պաշտոնավարման ժամկետի ավարտից առաջ։
Լրահոս
Ընթերցողի ընտրանի
- 1 Բաթումիի և Քոբուլեթիի քաղաքապետները ֆեյսբուքյան գրառումներով հրաժարական են ներկայացրել
- 2 Գլդանիի բանտից ծանր վնասվածքներով կլինիկա տեղափոխված կալանավորը մահացել է
- 3 Իրակլի Օքրուաշվիլին ձերբակալվել է Ծուլուկիանիի հանձնաժողովի նիստին չներկայանալու համար
- 4 Մայիսի 26-ը մերն է, Վրաստանի բոլոր քաղաքացիները կստանձնեն մայիսի 26-ը․ Զուրաբիշվիլի
- 5 ՆԱՏՕ-ի և Եվրամիության տեղեկատվական կենտրոնը լուծարվում է
- 6 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
Այսօր դե ֆակտո խորհրդարանի աշնանային նստաշրջանի առաջին նիստում պատգամավորները որպես առաջին հարց քննարկել են նախագահի հրաժարականը։ Ալան Տադտաևը, ով «Միասնական Օսիա» կուսակցության ներկայացուցիչներից է, խորհրդարանի նախագահ է դարձել 2019 թվականի հունիսին: Նա ընտրվել է խորհրդարանական ընտրություններից հետո, իսկ պաշտոնավարման ժամկետը լրանալու էր 2024 թվականին։
«Այսօր որոշել եմ լքել իշխանության օրենսդիր մարմնի նախագահի պաշտոնը։ Վերջին տարիներին մենք նկատում ենք թյուրիմացության, հակասությունների, առանձին պատգամավորների կողմից իրենց պարտականությունները բոյկոտելու, ավելի քիչ կառուցողականության և Հարավային Օսիայի ժողովրդի բարօրության համար աշխատանքի բացակայության օրինակներ։
Ես մի քանի տարի փորձել եմ բոլոր ուժերով բանակցել բոլոր խմբակցությունների պատգամավորների հետ, զիջումների եմ գնացել, որպեսզի խորհրդարանը նորմալ գործի, բայց ապարդյուն։ Ես հեռանում եմ խորհրդարանի նախագահի պաշտոնից այն հույսով, որ պատգամավորները կսկսեն աշխատել իրենց ընտրած մարդկանց համար։ Ես ծառայում եմ հայրենիքին»,- ասել է Թադտաևը, ով խորհրդարանում կշարունակի աշխատել որպես «Միասնական Օսիա» խմբակցության նախագահ։
Ալան Տադտաևը Հարավային Օսիայի դե ֆակտո Հանրապետության նախկին նախագահ Անատոլի Բիբիլովի կուսակիցն է։ Այս տարի Բիբիլովը երկրորդ անգամ փորձեց դե ֆակտո հանրապետության նախագահի պաշտոնում ընտրվել, սակայն ընտրությունների երկրորդ փուլում հաղթեց ընդդիմադիր «Նիխաս» կուսակցության թեկնածու Ալան Գագլոևը։
34 հոգանոց դե ֆակտո խորհրդարանում «Նիխասն» ունի 4 պատգամավոր, իսկ «Միասնական Օսիան»՝ 14։ Մնացած 16 մանդատները բաշխված են երեք այլ կուսակցությունների և անկախ պատգամավորների միջև։
Դե ֆակտո խորհրդարանի նախագահի պաշտոնում Ալան Ալբորովի թեկնածությանը կողմ է քվեարկել 21 պատգամավոր: Քվեարկությանը մասնակցել է 33 անդամ։
