Ուկրաինայի նախագահ Վլադիմիր Զելենսկին, Ռուսաստանի կողմից օկուպացված Աբխազիայի և Ցխինվալիի շրջանների հետ միասին, շնորհավորել է Վրաստանին Անկախության օրվա առթիվ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Այսօր Վրաստանը նշում է իր անկախության օրը։ Շնորհավորում եմ ողջ վրաց ժողովրդին և մաղթում, որ նրանք լինեն ազատ, խաղաղ և համախմբված եվրոպական ընտանիքում՝ մեզ և Եվրոպայի մյուս բոլոր ազգերի հետ միասին։ Սա ցանկանում եմ ողջ Վրաստանին՝ ձեր երկրի այն հատվածներին, որոնք դեռևս գտնվում են ռուսական օկուպացիայի տակ։ Վրաստանը պատմական ամենահին և կարևոր ուժերից է ու այդ ուժը անհաղթահարելի, ես դրանում համոզված եմ։ Օկուպանտը կպարտվի»,- ասել է Զելենսկին ամենօրյա տեսաուղերձի վերջում։
Ուկրաինայի նախագահը իր շնորհավորանքը եզրափակել է վրացերենով. «Կեցցե ազատ Վրաստանը»,- ասել է նա։
Վրաստանի Անկախության օրը նշվել է մայիսի 26-ին։ Ելույթ ունենալով Թբիլիսիում Ազատության հրապարակում այս օրվան նվիրված միջոցառմանը, Վրաստանի նախագահ Սալոմե Զուրաբիշվիլին Ուկրաինային մաղթել է հաղթանակ և ամբողջականացում։ Վարչապետ Իրակլի Ղարիբաշվիլին նույնպես իր ելույթում հիշատակել է Ուկրաինային և ասել. «Պատերազմը ազատության առաջնային թշնամին է։ Այսօր մեր եղբայրական ուկրաինացի ժողովուրդը հսկայական զոհողություններ է անում՝ պաշտպանելու իր ազատությունը Ռուսաստանի կողմից սկսված դաժան պատերազմում։ Եվս մեկ անգամ իմ աջակցությունն եմ հայտնում Ուկրաինային և ուկրաինացի ժողովրդին, մաղթում եմ պատերազմի շուտափույթ ավարտ, խաղաղություն, հաշտություն և ազատություն»։
