Վաղ առավոտյան ոստիկանությունը ուժի կիրառմամբ ցրել է Ճավճավաձեի պողոտայում՝ Թբիլիսիի պետական համալսարանի մոտ ընթացող խաղաղ ցույցը։ Առկա տեղեկությունների համաձայն՝ ձերբակալվել է առնվազն տասը մարդ, այդ թվում՝ «Մթավարի» հեռուստաընկերության օպերատոր Սերգի Բարամիձեն, ով կատարում էր իր մասնագիտական պարտականությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Մինչ ցույցը ցրելը, ՆԳՆ-ն հայտարարություն է տարածել, որում նշել է, որ ցուցարարներին 15 րոպե ժամանակ են տալիս ճանապարհը բացելու և երթևեկությունը վերականգնելու համար։ Տեղում մոբիլիզացվել են պարեկային ոստիկանության և հատուկ հանձնարարությունների բաժնի հարյուրավոր աշխատակիցներ։
«Ճավճավաձեի պողոտային և Վարազիսխևիին հարող տարածքում վերջին երկու օրում տեղի է ունենում հավաք/ցույց, որի շրջանակում տրանսպորտի ճանապարհն ամբողջությամբ զբաղեցված է և ճանապարհն արհեստականորեն փակելու համար տարբեր տեսակի շինություններ են տեղադրվել։ Հավաքների և արտահայտվելու ազատությունը չի ներառում երթևեկությունը և քաղաքացիների կյանքի բնականոն ռիթմը կանխամտածված խաթարելու իրավունքը: Հանրությունը հստակ տեսավ, որ հավաքի մասնակիցներին բավական ժամանակ է տրվել՝ իրենց կարծիքն արտահայտելու և իրենց բողոքը գրանցելու համար»,- ասել են ՆԳՆ-ից։
Հանրահավաքի դադարից հետո ցուցարարները շարժվել են դեպի Մելիքիշվիլիի պողոտա։ Նրանց ձերբակալությունն այնտեղ շարունակվել է։ Հանրահավաքի մի քանի մասնակիցներ լրատվամիջոցներին հայտնել են, որ ոստիկաններն իրենց դեմ օգտագործել են այսպես կոչված պղպեղի սփրեյ։
