Ուկրաինայի նախագահ Վլադիմիր Զելենսկին հրամանագիր է ստորագրել, որը վերաբերում է Ռուսաստանի հետ կապված կրոնական կազմակերպությունների գործունեության արգելմանը։ Փաստաթղթի ստորագրումից առաջ Զելենսկին ասել է, որ Ուկրաինայի համար կապահովվի լիարժեք, այդ թվում՝ հոգևոր անկախություն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Մենք երբեք թույլ չենք տա որևէ մեկին ուկրաինական հոգում կայսրություն կառուցել։ Այսօր տեղի է ունեցել Ազգային անվտանգության և պաշտպանության խորհրդի նիստ, որտեղ քննարկել ենք Ուկրաինայի առանձին կրոնական շրջանակների և ագրեսոր պետության միջև կապի բազմաթիվ փաստեր։
Ցավոք, նույնիսկ Ռուսաստանի տեռորն ու լայնածավալ պատերազմը չկարողացան որոշ գործիչների համոզել, որ արժե դիմակայել չարի գայթակղությանը։ Այնպես որ, մենք պետք է այնպիսի պայմաններ ստեղծենք, երբ ագրեսոր պետությունից կախված ցանկացած դերակատար հնարավորություն չի ունենա մանիպուլյացիայի ենթարկել ուկրաինացիներին և թուլացնել Ուկրաինան ներսից»,- ասել է Զելենսկին։
Նախագահի ստորագրած փաստաթղթի համաձայն՝ Ազգային անվտանգության և պաշտպանության խորհուրդը կառավարությանը հանձնարարում է առաջիկա երկու ամսվա ընթացքում պատրաստել և Գերագույն ռադայի քննարկմանը ներկայացնել օրենքի նախագիծ՝ Ուկրաինայում Ռուսաստանի Դաշնության ազդեցության կենտրոնների հետ կապված կրոնական կազմակերպությունների գործունեության հնարավորությունը բացառելու մասին։
Բացի այդ, ազգային անվտանգության իրավասություն ունեցող իշխանություններին հանձնարարվել է ուժեղացնել Ուկրաինայի կրոնական միջավայրում ռուսական հատուկ ծառայությունների դիվերսիոն գործողությունների բացահայտման և դրանց դեմ պայքարի միջոցները և կիրառել անձնական պատժամիջոցներ:
«Այս և այլ որոշումներով մենք ապահովում ենք Ուկրաինայի հոգևոր անկախությունը։ Ուզում եմ ընդգծել, որ 1991 թվականին մեր պետությունը թևակոխեց իրավական ու ժողովրդավարական ճանապարհ։ Այս ճանապարհով կքայլենք նաև ապագայում։ Միայն կշռադատված որոշումներ և ազգային շահեր»,- ասել է Վլադիմիր Զելենսկին։
Նոյեմբերի վերջին Ուկրաինայի Գերագույն Ռադայի պատգամավորները գրանցել էին օրենքի նախագիծ, որը վերաբերում է երկրում Ռուս ուղղափառ եկեղեցու և նրան պատկանող կամ նրան ենթակա բոլոր կրոնական հաստատությունների ու կազմակերպությունների արգելմանը։
