Պետական անվտանգության ծառայության տվյալներով՝ երկրի ողջ տարածքում միաժամանակ անցկացված մի քանի հատուկ գործողությունների արդյունքում ձերբակալվել է Վրաստանի երկու քաղաքացի։ ՊԱԾ-ի տվյալներով՝ առգրավվել են ահաբեկչական կազմակերպության հետ հնարավոր կապը հաստատող ապացույցներ։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
«Վրաստանի Պետական անվտանգության ծառայության կողմից հակաահաբեկչական գործողությունների շրջանակներում իրականացված օպերատիվ միջոցառումների և քննչական գործողությունների արդյունքում երկրի ողջ տարածքում միաժամանակ մի քանի հատուկ գործողություններ են իրականացվել։
Ձեռնարկված միջոցառումների արդյունքում ձերբակալվել է Վրաստանի երկու քաղաքացի, որոնց տներից առգրավվել են հետաքննության համար կարևոր ապացույցներ՝ զինամթերք, տարբեր տեսակի էլեկտրոնային սարքեր, կանխիկ գումար և այլ կարևոր իրեր։
Ձերբակալված անձանց տներից առգրավվել են նաև տարբեր ապացույցներ, որոնք հաստատում են միջազգային ահաբեկչական կազմակերպության հետ հնարավոր կապը», - ասվում է ՊԱԾ-ի հաղորդագրության մեջ։
ՊԱԾ-ի հակաահաբեկչական կենտրոնում հետաքննություն է իրականացվում Քրեական օրենսգրքի 328-րդ հոդվածով, որը ենթադրում է օտարերկրյա ահաբեկչական կազմակերպությանն անդամակցելն ու ահաբեկչական գործունեությանն օժանդակելը։
