Պաշտպանության ուժերը կներգրավվեն Արևմտյան Վրաստանում առատ ձյան հետևանքով տուժած բնակչությանն աջակցելու գործընթացում։ Այս մասին այսօր՝ փետրվարի 25-ին, հրաման է արձակել «Վրացական երազանքի» վարչապետ Իրակլի Կոբախիձեն: Որոշման հետ կապված այլ մանրամասներ հայտնի չեն։
Լրահոս
Ընթերցողի ընտրանի
- 1 Վրացիները, հավանաբար, այլևս չեն կարողանա աշխատել Լեհաստանում պարզեցված ընթացակարգով
- 2 Կարևոր է, որ Վրաստանի կառավարության ճանաչումը դառնա իրականություն. Զախարովան՝ Օգոստոսյան պատերազմի մասին
- 3 Վաշինգտոնում տեղի կունենա Թրամփի, Փաշինյանի և Ալիևը հանդիպումը
- 4 Գիորգի Ախոբաձեն անմեղ ճանաչվեց և ազատ արձակվեց դատարանի դահլիճից
- 5 Որոշ քաղաքացիներ կկարողանան ստանալ նույնականացման քարտեր կես գնով՝ 30 լարիով
- 6 Ռուսաստանը պատրաստ է համագործակցել Վրաստանի հետ․ Գալուզին
Ձյան առատ տեղումների պատճառով Գուրիայում, Աջարիայում, Իմերեթիում բնակչության մի մասը կտրված է արտաքին աշխարհից։
Իրավիճակը հատկապես ծանր է Գուրիայում՝ Օզուրգեթի, Լանչխութի և Չոխատաուրի մունիցիպալիտետներում, որտեղ ձյան ծածկը հասնում է երկու մետրի, իսկ ճանապարհները փակ են։ Գյուղերում արգելափակված ընտանիքներն արդեն չորս-հինգ օր է՝ էլեկտրականություն չունեն։ Մի մասը մնացել են առանց բնական գազի և խմելու ջրի։
Քաղաքացիները սոցիալական ցանցերում գրում են, որ չեն կարողանում կապ հաստատել ընտանիքի անդամների հետ։ Նրանք օգնություն են խնդրում միայնակ տարեցների, ինչպես նաև երեխաներ ունեցող ընտանիքների համար։
«Անդադար ձյուն է գալիս։ Ձյուն է գալիս և սառչում: Ձյան ծածկը մոտ երկու մետր է։ Մի քանի օր է՝ հոսանքազրկված եմ, ամբողջ գյուղը գազ ունի, բայց ձյան մեջ մնացել են միայնակ տարեցներ, խնդիրներ ունեցող ընտանիքներ։ Ես գիտեմ, ունեմ փաստեր, որ շտապօգնության մեքենաները չեն կարողացել հասնել առողջական խնդիրներ ունեցող մարդկանց»,- ասում է Լանչխութիի Ացանա գյուղի բնակիչ Կեսո Մախարաձեն։
Գուրիայի գյուղերում ձյունը ավերել է տասնյակ տներ։
Օզուրգեթիի Կոնչկաթի գյուղում մոտ 60 տարեկան տղամարդ է մահացել՝ օգնելով իր հարևանին մաքրել տանիքի ձյունը։
Մարզային իշխանությունները նշում են, որ աղետի առաջին իսկ օրվանից ստեղծվել է արտակարգ իրավիճակների շտաբ, և բոլոր ծառայություններն աշխատում են 24/7 ռեժիմով։
Առաջիկա օրերին և՛ արևմտյան, և՛ արևելյան Վրաստանում ձյուն է սպասվում։
