Ռուսաստանի Դաշնությունը Վրաստանի քաղաքացի Լադո Գամսախուրդիային, ով Ուկրաինայում կռվող «Կովկասյան լեգեոն» կամավորական ստորաբաժանման նախկին հրամանատարն է, հեռակա կարգով դատապարտել է 18 տարվա ազատազրկման և հայտարարել միջազգային հետախուզում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Քննչական կոմիտեն հայտարարել է, որ իրենց հավաքած ապացույցների հիման վրա դատարանը Լադո Գամսախուրդիային մեղավոր է ճանաչել ՌԴ ՔՕ 359-րդ հոդվածով նախատեսված հանցագործության (շահադիտական մարտական գործողությունների) կատարման մեջ։
Ըստ ռուսական պետական լրատվամիջոցի, հետաքննությունը և դատարանը պարզել են, որ Լադո Գամսախուրդիան որպես վարձկան 2022 թվականի մարտին միացել է «Վրացական ազգային լեգեոն» զինված կազմավորմանը, որտեղ վերապատրաստում է անցել և զինված է եղել զենքով, զինամթերքով և անհրաժեշտ տեխնիկայով, իսկ 2022 մայիսին, Ուկրաինայի քաղաքական և ռազմական ղեկավարության օգնությամբ ստեղծվել է «Կովկասյան լեգեոն» զինված կազմավորումը։
Գործի նյութերի համաձայն՝ Գամսախուրդիան սոցիալական ցանցերով և համացանցով հավաքագրել է նորակոչիկներ, ովքեր վերապատրաստվել են իր կողմից կազմակերպված ուսումնական կենտրոններում, այդ թվում՝ Զապորոժիեի և Խերսոնի շրջաններում, իսկ հետո մասնակցել Ռուսաստանի դեմ ռազմական գործողություններին։ Քննչական կոմիտեի տվյալներով՝ ինքը՝ Գամսախուրդիան, որպես վարձկան մարտիկ կռվել է Ուկրաինայի զինված ուժերում 2022 թվականի մարտից մինչև 2024 թվականի օգոստոսը, ինչի համար ստացել է նյութական փոխհատուցում։
Լադո Գամսախուրդիան դեռ չի արձագանքել Ռուսաստանի որոշմանը։ Նա Կիևում է և ղեկավարում է «Կլոր սեղան-Ազատ Կովկաս» կազմակերպությունը։ «Կովկասյան լեգեոնը»՝ այս կազմակերպության ռազմական թևը, ընդգրկված է ուկրաինական բանակի կազմում։
