Այսօր՝ սեպտեմբերի 3-ին, Պոլտավայի վրա ռուսական հրթիռային հարձակման հետևանքով առնվազն 47 մարդ է զոհվել, 206-ը՝ վիրավորվել։ Ուկրաինայի պաշտպանության նախարարության տեղեկատվության համաձայն՝ հարձակումն իրականացվել է երկու բալիստիկ հրթիռներով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Սա ավերիչ ողբերգություն է ողջ Ուկրաինայի համար։ Հակառակորդը խոցել է ուսումնական հաստատությունը և հիվանդանոցը։ Արդեն հայտնի է 47 զոհվածի և 206 վիրավորի մասին»,- ասել է Ուկրաինայի առաջին տիկին Օլենա Զելենսկան։
Պաշտպանության նախարարությունը նշել է, որ տագնապի ազդանշանի և մահացու հրթիռային հարվածների միջև ընկած ժամանակահատվածն այնքան կարճ է եղել, որ մարդիկ չեն կարողացել տարհանվել ապաստարան։ Ըստ լրատվամիջոցի՝ ավերվել է ՊՆ Կապի ինստիտուտի շենքերից մեկը։
«Շատ մարդիկ են հայտնվել փլատակների տակ։ Փրկարարների և բուժաշխատողների համակարգված աշխատանքի շնորհիվ հաջողվել է փրկել 25 մարդու, որոնցից 11-ը դուրս է բերվել փլատակների տակից։ Փրկարարները շարունակում են աշխատանքը»,- հայտնել են նախարարությունից։
Ուկրաինայի նախագահ Վլադիմիր Զելենսկիի խոսքով՝ ինքը հրամայել է դեպքի հանգամանքների ամբողջական և արագ հետաքննություն անցկացնել։
«Ռուս սրիկաներն անպայման կվճարեն այս հարվածի համար։ Մենք կրկին կոչ ենք անում աշխարհում բոլորին, ովքեր ուժ ունեն կանգնեցնելու այս ահաբեկչությունը։ Ուկրաինային անհրաժեշտ են հակաօդային պաշտպանության համակարգեր և հրթիռներ հիմա, այլ ոչ թե պահեստում։ Հետաձգման յուրաքանչյուր օր, ցավոք, ավելի շատ կորցրած կյանքեր է նշանակում»,- ասել է Զելենսկին։
Պոլտավայի մարզում եռօրյա սուգ է հայտարարվել։
