Ռուսաստանում ընդդիմադիր քաղաքական գործիչ, հրապարակախոս Վլադիմիր Կարա-Մուրզան դատապարտվել է 25 տարվա ազատազրկման։ Նրան մեղադրում էին ռուսական բանակի մասին «ֆեյքեր» տարածելու, և «անցանկալի» հասարակական կազմակերպության (Free Russia Foundation) հետ համագործակցության և պետական դավաճանության մեջ։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Կարա-Մուրզան իրեն մեղավոր չի ճանաչում և պնդում է, որ պատժվում է իր քաղաքական հայացքների համար։ Դատարանում իր վերջին ելույթի ժամանակ քաղաքական գործիչն ասել է, որ արդարացում չի խնդրել, քանի որ մեկ տարի առաջ գիտեր ինչ է լինելու իր դատավճիռը.
«Ես գիտեմ իմ դատավճիռը: Ես դա գիտեի դեռ մեկ տարի առաջ, երբ հայելու մեջ տեսա սև համազգեստով և սև դիմակներով մարդկանց, որոնք հետապնդում էին իմ մեքենային:
Սա է այսօր Ռուսաստանում չլռելու գինը, բայց ես նաև գիտեմ, որ կգա այն օրը, երբ մեր երկրում նստած խավարը կցրվի, երբ սևին կանվանեն սև, իսկ սպիտակին կանվանեն սպիտակ, երբ պաշտոնական մակարդակով կասեն, որ երկու անգամ երկուսը հավասար է չորսի, երբ պատերազմը կկոչվի պատերազմ, իսկ ուզուրպատորը կկոչվի ուզուրպատոր, երբ հանցագործ կճանաչվեն նրանք, ովքեր սկսել են այս պատերազմը, և ոչ թե նրանք, ովքեր փորձել են դադարեցնել այն։ Այս օրվա գալուստը նույնքան անխուսափելի է, որքան գարնան գալուստը նույնիսկ ամենացուրտ ձմեռից հետո։ Եվ այդ ժամանակ մեր հասարակությունը կբացի իր աչքերը և կզարմանա իրենց անունով կատարված սարսափելի հանցագործություններից»:
41-ամյա Վլադիմիր Կարա-Մուրզան մեկ տարի առաջ ձերբակալվել է ոստիկանությանը չենթարկվելու մեղադրանքով։ Նրան ավելի ծանր մեղադրանքներ են առաջադրվել կալանավայրում։ Պետական դավաճանության մեղադրանքի մասով դատական նիստերը դռնփակ են եղել: Կարա-Մուրզայի փաստաբանը BBC-ի ռուսական ծառայությանը հայտնել է, որ քննարկումներին գաղտնի փաստաթղթեր չեն եղել, և դա անիմաստ էր, քանի որ Կարա-Մուրզան պետական գաղտնիք չի հայտնել։ Գործը հիմնված էր մեղադրյալի արտասահմանում արած հայտարարությունների վրա, ներառյալ ԱՄՆ-ում ունեցած ելույթը, որտեղ նա ասել է, որ Ռուսաստանը ռազմական հանցագործություններ է կատարում Ուկրաինայում՝ ռմբակոծելով բնակեցված տարածքները, ծննդատները և դպրոցները: Բացի այդ, Կարա-Մուրզան Ռուսաստանի իշխանություններին մեղադրել է քաղաքական ընդդիմությանը հետապնդելու մեջ։ Ըստ հետաքննության՝ նա ելույթ է ունեցել Ռուսաստանում արգելված և ԱՄՆ-ում գործող կազմակերպության, օտարերկրյա գործակալ ճանաչված Միխայիլ Խոդորկովսկու կողմից հիմնադրված «Ազատ Ռուսաստան հիմնադրամի» անունից։ Ըստ հետաքննության՝ նա դրանով սպառնացել է Ռուսաստանի արտաքին անվտանգությանն ու տարածքային ամբողջականությանը։
Վլադիմիր Կարա-Մուրզան «Օտարերկրյա գործակալի դերում հանդես եկող անձինք» վերնագրով պետական ռեգիստրում գրանցվել է 2022 թվականի ապրիլին՝ ձերբակալությունից հետո։ Փաստաբանները բողոքարկել են կառավարության որոշումը, սակայն դատարանը չի ընդունել նրանց հայցը։