Շովիի աղետի հետևանքով զոհերի թվում է «Բուբա» համույթի անդամ Գենադի Սուլթանիշվիլին

«Ընտանիքը հաստատում է Գենո (Գենադի) Սուլթանիշվիլիի մահվան փաստը։ Մենք հանգուցյալի անդամահատված մարմինը ճանաչել ենք դիահերձարանում»,- ասել է մահացածի փեսան՝ Մամուկա Ցերցվաձեն։

Ռաճայում՝ Շովի հանգստավայրի տարածքում օգոստոսի 3-ին սելավը գրեթե ամբողջությամբ ավերել է հանգստավայրը։ Մինչ այժմ հայտնաբերվել է 19 դի, որոնց մեծ մասի ինքնությունը պարզվել է։ Մահացածների թվում են 18-ամյա Սամիրա Իսաևան, 25-ամյա Դավիթ Բերիաշվիլին, 7-ամյա Լուկա Դուդաշվիլին, 25-ամյա Մեգի Գուտաշվիլին, 18-ամյա Գիգի Գուտաշվիլին, 49-ամյա Շորենա Բիճաշվիլին, 20-ամյա Մարիամ Մաիսուրաձեն, Գենադի Սուլթանիշվիլին, Գիորգի Կարալաշվիլին, Նինո Կենճաձեն, Ուկրաինայի քաղաքացի Ալինա Պոլիկովսկան և ՌԴ քաղաքացի Քսենիա Տրիչևան։

Պաշտոնական տեղեկատվության համաձայն՝ անհետ կորած է համարվում 14 մարդ, այդ թվում՝ երեխաներ։