«Վրացական երազանք» կուսակցությունը միջանկյալ/արտահերթ ընտրություններում ներկայացրել է Գորիի և Կասպիի ընտրատարածքում մեծամասնական պատգամավորի և Գուրջաանիի ընտրատարածքում քաղաքապետի թեկնածուներին։ Ընտրությունները տեղի կունենան հոկտեմբերի 1-ին։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 4 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 5 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 6 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
Գիորգի Սոսիաշվիլին առաջադրվել է Գորիի և Կասպիի մեծամասնական ընտրատարածքում։ 2011 թվականից մինչ այժմ Սոսիաշվիլին Գորիի պետական կրթական համալսարանի ռեկտորն է, իսկ 2021 թվականից քաղաքային խորհրդում ներկայացնում է «Վրացական երազանքը»։
Գիորգի Սոսիաշվիլին ծնվել է Գորիի մունիցիպալիտետի Դիցի գյուղում։ Ավարտել է Ցխինվալիի պետական մանկավարժական ինստիտուտը և Թբիլիսիի պետական համալսարանի ասպիրանտուրան՝ պատմություն մասնագիտությամբ։ Նա պատմական գիտությունների դոկտոր է, Գորիի պետական համալսարանի պրոֆեսոր, Թբիլիսիի պետական համալսարանի հրավիրյալ պրոֆեսոր։ Նա հրապարակել է ավելի քան 150 գիտական աշխատություն, Գորիի պատվավոր քաղաքացի է»,- ասել է «Վրացական երազանքի» նախագահ Իրակլի Կոբախիձեն։
«Վրացական երազանքը» Գուրջաանիի մունիցիպալիտետի քաղաքապետի թեկնածու է առաջադրել «Սոկար Ջորջիա Գազ» ՍՊԸ-ի Գուրջաանիի սպասարկման կենտրոնի ղեկավար Գիորգի Մաճավարիանիին։
«Նա ծնվել է Գուրջաանի քաղաքում։ 1996 թվականին ավարտել է Վրաստանի տեխնիկական համալսարանը։ Նա ղեկավար պաշտոններում աշխատելու հարուստ փորձ ունի՝ 6 տարի զբաղեցրել է «Գուրջաանգազի» բաժնետիրական ընկերության տնօրենի պաշտոնը, իսկ 2011 թվականից «Սոկար Ջորջիա Գազ» ՍՊԸ-ի Գուրջաանիի սպասարկման կենտրոնի ղեկավարն է։ Մենք վստահ ենք, որ երկու թեկնածուներն էլ կստանան ընտրողների հստակ աջակցությունը»,- ասել է Կոբախիձեն։
Նախկին վարչապետ Գիորգի Գախարիայի կուսակցության անդամ Գիորգի Խոջևանիշվիլին 2023 թվականի փետրվարին վայր է դրել Գորիի և Կասպիի մեծամասնական պատգամավորի մանդատը, ինչպես նաև լքել է կուսակցությունը։ Ինչ վերաբերում է Գուրջաանիի քաղաքապետի արտահերթ ընտրություններին, Զուրաբ Ուտիաշվիլին հրաժարական է տվել 2023 թվականի հունիսին։ Նա նշանակվել է տեղահանվածների, էկոմիգրանտների և ապրուստի միջոցների ապահովման գործակալության տնօրեն։