Օտարերկրյա դրամաշնորհ ստանալու համար կպահանջվի «Վրացական երազանքի» կառավարության կամ կառավարության կողմից նշանակված լիազորված անձի համաձայնությունը: Առանց համաձայնության դրամաշնորհ ստանալը կարգելվի և կհանգեցնի պատասխանատվության:
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 4 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 5 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
«Դրամաշնորհների մասին» օրենքում նախատեսվող փոփոխությունները նախաձեռնվել են «Վրացական երազանքի» խորհրդարանական Բյուրոյի այսօրվա նիստում։ Խորհրդարանի կայքում օրենսդրական փոփոխությունների փաթեթը դեռ հրապարակված չէ։
Հանրային հեռարձակողի տեղեկություններով՝ կսահմանվի տասնօրյա ժամկետ, որպեսզի կառավարությունը հայտնի դրամաշնորհ ստանալու մասին իր համաձայնության մասին։ Կառավարության որոշումը բողոքարկելը չի դադարեցնի դրա գործողությունը։
Փոփոխությունների համաձայն՝ Հակակոռուպցիոն բյուրոն վերահսկելու է արգելված դրամաշնորհների տրամադրումն ու ստացումը։ Արգելված դրամաշնորհ ստանալու դեպքում դրամաշնորհ ստացողը կտուգանվի նշված դրամաշնորհի կրկնակի չափով:
Բացի այդ, փոփոխությունները նախատեսում են բացառություններ։ Մասնավորապես, կառավարության պարտադիր համաձայնության կարգը չի վերաբերի միջազգային սպորտային ասոցիացիաների, ֆեդերացիաների և կոմիտեների կողմից դրամաշնորհների տրամադրմանը, Վրաստանի սահմաններից դուրս միջնակարգ և բարձրագույն կրթության անհատական կրթաթոշակների և գիտական աշխատանքի, ինչպես նաև Վրաստանում գործող միջազգային կազմակերպությունների կողմից դրամաշնորհներ ստանալուն։
«Վրացական երազանքը» օրենսդրական փոփոխությունները կքննարկի արագացված կարգով։
